2023 ഏകദിന ലോകകപ്പിൽ പാക്കിസ്ഥാനെതിരെ ഇന്ത്യ മറ്റൊരു ഉജ്ജ്വല വിജയത്തിലേക്ക് നീങ്ങിയപ്പോൾ, ആരാധകർ അത് പല രീതിയിലായാണ് ആഘോഷിച്ചത്. ആവേശകരമായ പ്രകടനത്തിൽ പാക്കിസ്ഥാനെ 191 റൺസിന് ഇന്ത്യൻ ടീം പുറത്താക്കി. തുടർന്ന് 192 റൺസ് വിജയലക്ഷ്യം അനായാസം പിന്തുടർന്ന ആതിഥേയർ ഏഴ് വിക്കറ്റിന് വിജയിച്ചു. ഇപ്പോൾ ആഘോഷങ്ങളുടെ ഒരു വ്യത്യസ്ത കഥ പ്രമുഖ ഓൺലൈൻ ഫുഡ് ഡെലിവറി കമ്പനിയെ സ്വിഗ്ഗി പങ്കുവച്ചിരിക്കുകയാണ്. ഇന്ത്യ പാക് കളിക്കിടെ ചണ്ഡീഗഡിൽ നിന്നുള്ള ഒരു കുടുംബം ഓർഡർ ചെയ്തത് 70 ബിരിയാണികളാണ് എന്ന് സ്വിഗ്ഗി എക്‌സിൽ കുറിച്ചു. നിരവധി പ്രതികരണങ്ങളാണ് ഇതിനു സ്വിഗിക്കു ലഭിച്ചത്.