TOP NEWS
ഒക്ടോബറില്‍ ആപ്പിളിന്റെ ഏറ്റവും പുതിയ എം3 ചിപ്പുള്ള മാക് കംപ്യൂട്ടര്‍ എത്തുമെന്നു റിപ്പോര്‍ട്ടുകള്‍. എം 3 ഐമാക്, എം 3 എത്തുന്ന 13 ഇഞ്ച് മാക്ബുക് എയര്‍, പ്രോ എന്നിവയായിരിക്കും ലൈനപ്പ്. ഐഫോണ്‍13, ആപ്പിള്‍ വാച്ച് സീരീസ് 9, പുതിയ വാച്ച് അള്‍ട്രാ എന്നിവ സെപ്റ്റംബര്‍ ലോഞ്ചിന്റെ ഭാഗമായി എത്തിയേക്കും.
ജൂണില്‍ നടന്ന വേള്‍ഡ് വൈഡ് ഡെവലപ്പേഴ്‌സ് കോണ്‍ഫറന്‍സിലാണ് ആപ്പിള്‍ എം 2 ചിപ്പില്‍ പ്രവര്‍ത്തിക്കുന്ന മോഡലുകള്‍ പുറത്തിറക്കിയത്. ആ ചിപ്പിലുള്ള മോഡലുകള്‍ ഉല്‍പ്പാദനവും വിതരണവും നടക്കുകയാണ്. അതിനാല്‍ ഉടന്‍ എം3യും എത്തുമോ എന്ന സംശയവും പലരും പങ്കുവയ്ക്കുന്നു.
പുതിയ എം 3 ചിപ്പ്
3 നാനോമീറ്റര്‍ സിലിക്കണ്‍ പ്രൊസസര്‍ ഉപോഗിച്ചു നിര്‍മിക്കുന്ന എം3 ചിപ്പിനും എം2 പോലെയുള്ള കോര്‍ കൗണ്ടും എന്നാല്‍ മികച്ച പെര്‍ഫോമന്‍സുമായിരിക്കും. കൂടുതല്‍ ഊര്‍ജ്ജക്ഷമതയും നല്‍കും. ചെറിയ ട്രാന്‍സിസ്റ്ററുകള്‍ പ്രവര്‍ത്തിപ്പിക്കാന്‍ കുറഞ്ഞ വൈദ്യുതി മാത്രമേ ആവശ്യമായുള്ളൂ. ഇത് ഉപകരണത്തിന്റെ കുറഞ്ഞ ഊര്‍ജ്ജ ഉപഭോഗത്തിലേക്കും ചൂടാകാനുള്ള സാധ്യത കുറയുകയും ചെയ്യാനിടയാക്കും.
ഇത് ബാറ്ററിയെ കൂടുതല്‍ നേരം നിലനിര്‍ത്തുകയും ചെയ്യും, ഉപയോക്താക്കള്‍ക്ക് വളരെയധികം നേട്ടമുണ്ടാകും. എന്നാല്‍ ടിഎസ്എംസി ചിപ്പ് നിര്‍മാണ ചെലവില്‍ വലിയ വര്‍ദ്ധന വരുത്തിയിരുന്നു ഇതു ആപ്പിള്‍ ഉപകരണങ്ങളുടെ വിലയേയും ബാധിക്കും.
നിലവിലെ എം2 ചിപ്പും കോര്‍ സംവിധാനവും
എം2 അള്‍ട്രാ പ്രൊസസര്‍എം2 അള്‍ട്രായ്ക്ക് 24-കോര്‍ സിപിയു ആണ് ഉള്ളത്. 76-കോര്‍ ജിപിയുവും ഉണ്ട്. ഇതില്‍ 134 ബില്ല്യന്‍ ട്രാന്‍സിസ്റ്ററുകള്‍ ഉണ്ടെന്നു പറയുന്നു. 192ജിബി വരെ യൂണിഫൈഡ് മെമ്മറിയും ലഭിക്കും. സെക്കന്‍ഡില്‍ 800 ജിബി വരെ എന്ന കൂറ്റന്‍ ബാന്‍ഡ്വിഡ്തും ഉണ്ടായിരിക്കും. (എ2 മാക്സില്‍ 67 ബില്ല്യന്‍ ട്രാന്‍സിസ്റ്ററുകളാണ് ഉള്ളത്.) ഇരു പ്രൊസസറുകള്‍ക്കും മികച്ച കരുത്തുണ്ടെങ്കിലും, എം2 അള്‍ട്രാ അത്യുജ്വലമായ ശക്തി പ്രകടിപ്പിക്കുന്നു എന്ന് വിലയിരുത്തപ്പെടുന്നു.
76-കോര്‍ ജിപിയുയാതൊരു ലാഗുമില്ലാതെ കണ്ടെന്റ് കണാനായി 76-കോര്‍ ജിപിയു ഉള്‍ക്കൊള്ളിച്ചിരിക്കുന്നു. ലോകത്ത് ഇന്ന് ലഭ്യമായിരിക്കുന്നതിലേക്കും വച്ച് ഏറ്റവും ശക്തിയുള്ള വര്‍ക്സ്റ്റേഷന്‍ ഗ്രാഫിക് കാര്‍ഡുകളിലൊന്നാണ് ഇതിലുള്ളത് എന്ന് ആപ്പിള്‍ അവകാശപ്പെടുന്നു. ഇതിന് ഏഴ് ആഫ്റ്റര്‍ബേണര്‍ കാര്‍ഡുകളുടെ പ്രകടന മികവ് ലഭിക്കുമെന്നും കമ്പനി പറയുന്നു. ഇതുള്ളതിനാല്‍ 8കെ പ്രോറെസ് വിഡിയോയുടെ 22 സ്ട്രീമുകള്‍ നടത്താന്‍ സാധിക്കുമെന്നും കമ്പനി പറയുന്നു
