TOP NEWS
ബെര്‍ലിന്‍: ബയേണ്‍ മ്യൂണിക്ക് മുന്നേറ്റ താരം സാദിയോ മാനെ അല്‍ നസറിലെത്തുമെന്ന് ഉറപ്പായി. അല്‍ നസര്‍ ആരാധകര്‍ക്കായി മാനെ സാമൂഹ്യമാധ്യമങ്ങളില്‍ വീഡിയോ പങ്കുവെച്ചതോടെയാണ് സെനഗല്‍ താരം സൗദിയിലേക്ക് എത്തുമെന്ന് ഉറപ്പായത്. അല്‍ നസറിന്റെ ഭാഗമാകുന്നതില്‍ ഏറെ സന്തോഷം. ഇനിയും കാത്തിരിക്കാന്‍ കഴിയില്ലെന്നും മാനെ വ്യക്തമാക്കി.
30 മില്യണ്‍ യൂറോയ്ക്കാണ് (271 കോടി രൂപ) മാനെയുടെ കരാറെന്ന് ജര്‍മ്മന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു. രണ്ട് വര്‍ഷ കരാര്‍ കൂടി ബാക്കി നില്‍ക്കെയാണ് മാനെ ബയേണ്‍ വിടുന്നത്. ബയേണ്‍ വിടുന്നത് ഏറെ വിഷമിപ്പിക്കുന്നതാണെന്ന് മാനെ സ്‌കൈ ജര്‍മ്മനിയോട് പറഞ്ഞിരുന്നു. മാനേയുടെ വിടവാങ്ങലില്‍ പ്രതികരണവുമായി ബയേണ്‍ മാനേജര്‍ തോമസ് ടുഹേല്‍ രംഗത്തെത്തി. തനിക്കും മാനെയ്ക്കും ഇഷ്ടമില്ലാത്ത കാര്യമാണ് ഇപ്പോള്‍ സംഭവിക്കുന്നതെന്ന് ടുഹേല്‍ പ്രതികരിച്ചു. താനും മാനെയും തമ്മില്‍ വളരെ വലിയ ബന്ധമാണുള്ളത്. എങ്കിലും ഇപ്പോള്‍ സംഭവിക്കുന്നതാണ് ഏറ്റവും നല്ലതെന്ന് കരുതുന്നുവെന്നും ടുഹേല്‍ വ്യക്തമാക്കി.
ബയേണില്‍ എത്തുന്നതിന് മുമ്പ് ഇം?ഗ്ലീഷ് ക്ലബ് ലിവര്‍പൂള്‍ താരമായിരുന്നു സാദിയോ മാനെ. യൂര്‍ഗന്‍ ക്ലോപ്പിന്റെ ടീമില്‍ മുഹമ്മദ് സലായ്ക്കും റോബര്‍ട്ടോ ഫിര്‍മിനോയ്ക്കുമൊപ്പം മുന്നേറ്റ നിരയില്‍ കളിച്ചു. ചാമ്പ്യന്‍സ് ലീ?ഗും ഇം?ഗ്ലീഷ് പ്രീമിയര്‍ ലീ?ഗും ഉള്‍പ്പടെ ആറ് കിരീടങ്ങള്‍ ലിവര്‍പൂളിനായി നേടിയിട്ടുണ്ട്. ഇം?ഗ്ലീഷ് പ്രീമിയര്‍ ലീ?ഗില്‍ 100 ഗോള്‍ നേടിയ മൂന്നാമത്തെ മാത്രം ആഫ്രിക്കന്‍ താരവുമാണ് മാനെ.
