TOP NEWS
വാഷിംഗ്ടണ്‍: അമേരിക്കന്‍ സംസ്ഥാനവും ദ്വീപമേഖലയുമായ ഹവായിയില്‍ അഗ്‌നിപര്‍വ്വതം പൊട്ടിത്തെറിച്ചു. ലോകത്തെ ഏറ്റവും സജീവമായ അഗ്‌നിപര്‍വതങ്ങളിലൊന്നായ കിലോയയാണ് പൊട്ടിത്തെറിച്ചത്. 3 മാസത്തെ ഇടവേളയ്ക്കു ശേഷമാണ് പൊട്ടിത്തെറി. സ്‌ഫോടനത്തെത്തുടര്‍ന്ന് വലിയ തോതില്‍ ലാവാപ്രവാഹം തുടങ്ങി.
കിലോയയുടെ കൊടുമുടികളിലൊന്നായ കാല്‍ഡിറയിലെ ഹാലെമൗമൗ അഗ്‌നിമുഖത്താണു സ്‌ഫോടനം ഉണ്ടായിരിക്കുന്നത്. പൊട്ടിത്തെറി ഉണ്ടായാലും നാശനഷ്ടങ്ങളൊന്നും നിലവില്‍ റിപ്പോര്‍ട്ട് ചെയ്തിട്ടില്ല. 5 അഗ്‌നിപര്‍വതങ്ങളാണ് ഹവായിയിലുള്ളത്. ഇവയിലൊന്നാണ് കിലോയ.
