ന്യൂഡല്‍ഹി: ഇന്ത്യന്‍ വനിതാ ക്രിക്കറ്റ് ടീമില്‍ ഇടം നേടി മലയാളി വനിത ക്രിക്കറ്റര്‍ മിന്നുമണി. ആദ്യമായാണ് ഒരു മലയാളി വനിതാ ക്രിക്കറ്റര്‍ ഇന്ത്യന്‍ ടീമിന്റെ ഭാഗമാകുന്നത്. ബംഗ്ലാദേശ് പര്യടനത്തിനുള്ള ട്വന്റി-20 ടീമിലാണ് മലയാളി ഓള്‍റൗണ്ടര്‍ ഇടംപിടിച്ചിരിക്കുന്നത്.

നേരത്തെ വനിതാ ഐപിഎല്ലില്‍ ഡല്‍ഹി ക്യാപിറ്റല്‍സ് ടീമിനായും പ്രഥമസീസണില്‍ മിന്നുമണി കളിച്ചിരുന്നു. ചലഞ്ചര്‍ ട്രോഫിയില്‍ ഇന്ത്യന്‍ എ ടീമിലും ഇന്ത്യന്‍ ബി ടീമിലും മിന്നുമണി ഇടംപിടിച്ചിരുന്നു. മൂന്നു മത്സരങ്ങളാണ് ട്വന്റി-20 പരമ്പരയിലുള്ളത്. ജൂലൈ ഒമ്പതിന് ബംഗ്ലാദേശിലെ മിര്‍പൂരിലാണ് ആദ്യ ട്വന്റി 20 മത്സരം. ഹര്‍മന്‍ പ്രീത് കൗറാണ് ഇന്ത്യയെ നയിക്കുക. ഐപിഎല്ലില്‍ മിന്നുമണി കളിച്ച ഡല്‍ഹി ക്യാപിറ്റല്‍സിന്റെയും ക്യാപ്റ്റന്‍ മിന്നുമണിയായിരുന്നു. വയനാട് സ്വദേശിനിയാണ് മിന്നുമണി.