ചില കാര്യങ്ങൾ ദുരൂഹത നിറഞ്ഞതാണ്. ചിലത് നമ്മുടെ മനസ്സിനെ തകർക്കുന്നവയും. പൂർവജന്മം,പുനർജന്മം എന്നിവ യാഥാർത്ഥമാണോ എന്നും നമുക്കറിയില്ല .എന്നാൽ ചില അനുഭവങ്ങൾ വരുമ്പോൾ നമുക്ക് തോന്നും പൂർവ്വജന്മം ഉണ്ടായിരുന്നുവെന്ന്. നിങ്ങൾക്ക് ഏതെങ്കിലും ഒരു വ്യക്തിയോട് പൂർവ്വകാലബന്ധം ഉണ്ടായിരുന്നതായി തോന്നാറില്ലേ? പല ജന്മങ്ങളായി നിങ്ങൾ ഒരുമിച്ച് യാത്ര ചെയ്തിരുന്നതായി തോന്നിയിട്ടില്ലേ ?

ആ വ്യക്തിയെ കണ്ടുമുട്ടുന്ന ആദ്യ നിമിഷം തന്നെ ഒരു പോസിറ്റീവ് കണക്ഷൻ തോന്നും. നിങ്ങൾക്ക് ആ വ്യക്തിയെ പണ്ടുമുതൽക്കേ പരിചയമുള്ളതായി തോന്നും .നിങ്ങൾ പരസ്പരം എല്ലാം പങ്കുവയ്ക്കാൻ തുടങ്ങും. ഒരു അദൃശ്യശക്തി നിങ്ങളുടെ ആത്മാവിനെ മറ്റേ വ്യക്തിയിലേക്ക് തള്ളിവിടുന്നതായി തോന്നും .നിങ്ങൾ തമ്മിൽ കാണുമ്പോൾ പരിസരമാകെ മറന്നുപോകും. നിങ്ങൾ അവളെക്കുറിച്ചു/അവനെക്കുറിച്ച് പകൽക്കിനാവ് കാണാൻ തുടങ്ങും. രാത്രിയിൽ സ്വപ്നത്തിലും അവളെ/അവനെ കാണും .സ്വപ്നത്തിൽ അവളോട്/അവനോട് സംസാരിക്കുന്നതായി തോന്നും. അടുത്ത ദിവസം നേരിൽ കാണുമ്പോൾ അത് തന്നെ സംസാരിക്കുകയും ചെയ്യും. ഈ അത്ഭുതം നിങ്ങളെ പരസ്പരം അടുപ്പിക്കും.

ആ വ്യക്തിയോട് സംസാരിച്ചുകഴിഞ്ഞാൽ നിങ്ങൾ ടെലിപ്പതിക് ആയിക്കഴിയും .നിങ്ങൾ എപ്പോഴെങ്കിലും അവരെ ഓർക്കുന്നതും അവർ ഫോൺ വിളിച്ചിട്ടുണ്ടാകും. ചിലപ്പോൾ നിങ്ങൾ സംസാരിച്ചു തുടങ്ങുംമുൻപേ അവർ സംസാരിച്ചു തുടങ്ങും. നിങ്ങൾ രണ്ടുപേരും ഏതെങ്കിലും ഒരു സ്ഥലം സന്ദർശിക്കുമ്പോൾ പണ്ട് എപ്പോഴോ സന്ദർശിച്ചിരുന്നതായി തോന്നും. ഇത്തരം ലക്ഷണങ്ങൾ ഒരിക്കലും യാദൃശ്ചികവും അല്ല.