പവിത്രതയുടെ സസ്യമാണ് തുളസി. തുളസി ചെടി ഇല്ലാത്ത വീടുകള്‍ വളരെ ചുരുക്കമായിരിക്കും. വീട്ടില്‍ സന്തോഷവും സമൃദ്ധിയും നിലനിര്‍ത്താന്‍ തുളസി ചെടി സഹായിക്കും എന്നാണ് വിശ്വാസം. ഔഷധം സസ്യം എന്നതിലുപരി ഹൈന്ദവ വിശ്വാസത്തില്‍ വലിയ പ്രാധാന്യമാണുള്ളത്. മഹാവിഷ്ണുവിനെയും ലക്ഷ്മി ദേവിയെയും പ്രസാദിപ്പിക്കാന്‍ തുളസി കൊണ്ടുള്ള പൂജ മികച്ച ഫലം നല്‍കുമെന്നാണ് പറയുന്നത്.
ഗ്രഹണസമയത്തും തുളസിയ്ക്ക് ഏറെ പ്രാധാന്യമാണുള്ളത്. സൂര്യഗ്രഹണത്തിനും ചന്ദ്ര ഗ്രഹണത്തിനും തുളസി അനുകൂലഫലങ്ങളാണ് നല്‍കുന്നത്. ഗ്രഹണ സമയത്ത് ഭക്ഷണത്തില്‍ തുളസിയില ഇടാന്‍ ഇലകള്‍ നേരത്തെ പറിച്ചെടുക്കാന്‍ ശ്രദ്ധിക്കണം. ഗ്രഹണ കാലത്തും സൂതക് കാലത്തും തുളസി ചെടി തൊടുകയോ ഇലകള്‍ പറിക്കുകയോ ചെയ്യരുത് എന്നും ജ്യോതിഷികള്‍ നിര്‍ദേശിക്കുന്നു.
സൂര്യഗ്രഹണം, ഏകാദശി, ഞായര്‍ ദിവസങ്ങളില്‍ തുളസി ചെടി നടാന്‍ പാടില്ല എന്നാണ് പറയുന്നത്. ഈ ദിവസങ്ങളില്‍ തുളസി ചെടി നനക്കുന്നതും ദോഷം ചെയ്യും. സൂര്യഗ്രഹണ സമയത്ത് തുളസിയില്‍ തൊടാന്‍ പോലും പാടില്ല എന്നാണ് പറയുന്നത്.പൂജയ്ക്കായി തുളസിയില ഉപയോഗിക്കുന്നുണ്ടെങ്കില്‍ ഒരു ദിവസം മുന്‍പ് തുളസിയിലകള്‍ പറിച്ചെടുത്ത് സൂക്ഷിക്കണം.