തിരുവനന്തപുരം: ലോകകേരള സഭയുടെ ന്യൂയോര്‍ക്ക് മേഖലാ സമ്മേളനത്തിനായി മുഖ്യമന്ത്രി പിണറായി വിജയനും സംഘവും ഇന്ന് പുലര്‍ച്ചെ അമേരിക്കയിലേക്ക് പുറപ്പെട്ടു. സ്പീക്കര്‍ എ.എന്‍.ഷംസീര്‍, മന്ത്രി കെ.എന്‍.ബാലഗോപാല്‍, ചീഫ് സെക്രട്ടറി വി.പി.ജോയ് തുടങ്ങിയവരാണ് സംഘത്തിലുള്ളത്. ജൂണ്‍ 10നാണു ലോകകേരള സഭയുടെ മേഖലാ സമ്മേളനം.

11നു നിക്ഷേപക സംഗമത്തിലും ടൈംസ് സ്‌ക്വയറിലെ പൊതുസമ്മേളനത്തിലും പങ്കെടുക്കും. 12നു വാഷിങ്ടന്‍ ഡിസിയില്‍ ലോകബാങ്ക് പ്രതിനിധികളുമായി കൂടിക്കാഴ്ച നടത്തും. 13നു മേരിലാന്‍ഡിലെ മാലിന്യനിര്‍മാര്‍ജന സംവിധാനം പഠിക്കാന്‍ സമയം ചെലവിടും. 14നു ക്യൂബന്‍ സന്ദര്‍ശനത്തിനായി ന്യൂയോര്‍ക്കില്‍ നിന്നു ഹവാനയിലേക്കു തിരിക്കും. 15നും 16നുമാണു ക്യൂബയിലെ വിവിധ കൂടിക്കാഴ്ചകള്‍. 19നു തിരികെയെത്തും.