സ്വവർഗ വിവാഹം : നിർണായകമായ സുപ്രീംകോടതി വിധി നാളെ.

ന്യൂസ് ഡസ്ക്ക് :സ്വവർഗ വിവാഹങ്ങൾക്ക് നിയമപരമായ അംഗീകാരം ആവശ്യപ്പെട്ടുള്ള ഹർജികളിൽ സുപ്രീം കോടതി നാളെ വിധി പറയും. ചീഫ് ജസ്റ്റിസ് ഡി വൈ ചന്ദ്രചൂഡ്, ജസ്റ്റിസ് സഞ്ജയ് കിഷൻ കൗൾ, ജസ്റ്റിസ് എസ് രവീന്ദ്ര ഭട്ട്, ജസ്റ്റിസ് ഹിമ കോലി, ജസ്റ്റിസ് പി എസ് നരസിംഹ എന്നിവരടങ്ങുന്ന ബെഞ്ചാണ് വിധി പറയുന്നത്. ഏപ്രിൽ 18 ന് വാദം ആരംഭിച്ച് 2023 മെയ് 11 ന് വിധി പറയാൻ മാറ്റി. കേസിൽ വാദം കേട്ട ബഞ്ചിലുള്ള ജസ്റ്റിസ് രവീന്ദ്ര ഭട്ട് 2023 ഒക്‌ടോബർ 20-ന് വിരമിക്കുന്നതിനാൽ കേസിൽ ഉടൻ വിധി വരുമെന്ന് പ്രതീക്ഷിക്കപ്പെട്ടിരുന്നു.

സ്പെഷ്യൽ മാര്യേജ് ആക്ട് 1954, ഹിന്ദു മാരേജ് ആക്ട് 1955, ഫോറിൻ മാരേജ് ആക്ട് 1969 എന്നിവയുടെ വ്യവസ്ഥകളെ ചോദ്യം ചെയ്ത് വിവിധ സ്വവർഗ ദമ്പതികൾ, ട്രാൻസ്ജെൻഡർ വ്യക്തികൾ, എൽജിബിടിക്യുഐഎ+ ആക്ടിവിസ്റ്റുകൾ എന്നിവർ സമർപ്പിച്ച ഇരുപത് ഹർജികൾ ബെഞ്ച് തീർപ്പാക്കും.നിലവിലെ നിയമം ഭിന്നലിംഗമല്ലാത്ത വിവാഹങ്ങളെ അംഗീകരിക്കുന്നില്ല. ആ സാഹചര്യത്തിലാണ് കേസ് സുപ്രീംകോടതി പരിശോധിച്ചത്. വിവാഹ നിയമത്തിലെ ചട്ടങ്ങൾ മാത്രം പരിശോധിക്കുമെന്നാണ് കോടതി അറിയിച്ചത്. വ്യക്തിനിയമങ്ങളെ സ്പർശിക്കില്ലെന്നും വാദം കേൾക്കുന്നതിനിടെ ബെഞ്ച് വ്യക്തമാക്കിയിട്ടുണ്ട്.

പ്രായപൂർത്തിയാകാത്ത സ്വവർഗ ദമ്പതികൾക്ക് മറ്റ് വിവാഹിതർക്ക് നൽകുന്ന അവകാശങ്ങളെക്കുറിച്ച് പാർലമെന്റാണ് തീരുമാനം എടുക്കേണ്ടതെന്നാണ് കേന്ദ്ര സർക്കാർ നിലപാട്.സ്വവർഗ വിവാഹം നിയമപരമാക്കുന്നത് കേന്ദ്ര സർക്കാർ എതിർക്കുകയും ചെയ്യുന്നു.വിവാഹമെന്ന നിയമപരമായ അംഗീകാരം. ജോയിന്റ് ബാങ്ക് അക്കൗണ്ടുകൾ തുറക്കാനുള്ള അനുമതി, പങ്കാളിയെ നോമിനിയായി നാമകരണം ചെയ്യൽ തുടങ്ങിയവയെക്കുറിച്ച് കോടതി ഉത്തരവിലൂടെ വ്യക്തത ഉണ്ടാകുമെന്ന് പ്രതീക്ഷിക്കപ്പെടുന്നു.

സ്‌പെഷ്യൽ മാരേജ് ആക്‌റ്റിലെ “ഭർത്താവ്”, “ഭാര്യ” എന്നീ വാക്കുകൾ ലിംഗഭേദമില്ലാതെ “ഇണ” അല്ലെങ്കിൽ “വ്യക്തി” എന്ന് വായിക്കണമെന്ന വാദം ഹർജിക്കാർ മുന്നോട്ടുവച്ചിട്ടുണ്ട്.

ദേശീയ ബാലാവകാശ സംരക്ഷണ കമ്മീഷൻ സ്വവർഗ ദമ്പതികളെ ദത്തെടുക്കാൻ അനുവദിക്കുന്നതിനെക്കുറിച്ച് ആശങ്കകൾ ഉണ്ടെന്ന് കോടതിയെ അറിയിച്ചിട്ടുണ്ട്. എന്നാൽ ഡൽഹി കമ്മീഷൻ ഫോർ പ്രൊട്ടക്ഷൻ ഓഫ് ചൈൽഡ് റൈറ്റ്സ് ഈ ഹർജികളെ പിന്തുണക്കുകയും സ്വവർഗ ദമ്പതികൾക്ക് ദത്തെടുക്കാനുള്ള അവകാശത്തെ പിന്തുണയ്ക്കുകയും ചെയ്തു.

മുതിർന്ന അഭിഭാഷകരായ മുകുൾ രോഹത്ഗി, ഡോ. അഭിഷേക് മനു സിങ്‌വി, രാജു രാമചന്ദ്രൻ കെ.വി. വിശ്വനാഥൻ, ഡോ. മേനക ഗുരുസ്വാമി, ജയ്‌ന കോത്താരി, സൗരഭ് കിർപാൽ, ആനന്ദ് ഗ്രോവർ, ഗീത ലൂത്ര, അഭിഭാഷകരായ അരുന്ധതി കട്ജു, വൃന്ദ ഗ്രോവർ, കരുണാനാഥ്, മനുർ ശ്രീഗു നൂണ്ടി തുടങ്ങിയവർ വിവിധ ഹർജിക്കാർക്ക് വേണ്ടി ഹാജരായി. കേന്ദ്ര സർക്കാരിന് വേണ്ടി സോളിസിറ്റർ ജനറൽ തുഷാർ മേത്ത ഹാജരായി. മുതിർന്ന അഭിഭാഷകരായ രാകേഷ് ദ്വിവേദി, കപിൽ സിബൽ, അരവിന്ദ് ദത്തർ എന്നിവർ ഹർജികളെ എതിർത്ത് വാദിച്ചു.