തിരുവനനന്തപുരം : രണ്ട് പുതിയ മന്ത്രിമാർ വൈകുന്നേരം സത്യപ്രതിജ്ഞ ചെയ്ത് സ്ഥാനമേൽക്കുന്നതിനുള്ള ഒരുക്കത്തിലാണ് തിരുവനന്തപുരം ന​ഗരം. മുന്നണി ധാരണ പ്രകാരം ഒരു എം.എൽ.എ മാർ മാത്രമുള്ള പാർട്ടികൾക്ക് മന്ത്രിസ്ഥാനം നൽകുന്നത് പ്രകാരം കേരള കോൺ​ഗ്രസ് ബിയിൽ നിന്ന് ​ഗണേഷ് കുമാറും, കോൺ​ഗ്രസ് എസിൽ നിന്നും രാമചന്ദ്രൻ കടന്നപ്പള്ളിയും മന്ത്രിമാരായി സത്യപ്രതിജ്ഞ ചെയ്ത് സ്ഥാനമേൽക്കും . കെ.ബി.​ഗണേഷ് കുമാറിന് ​ഗതാ​ഗതം, രാമചന്ദ്രൻ കടന്നപ്പള്ളിയ്ക്ക് തുറമുഖം എന്നിങ്ങനെ ആയിരിക്കും വകുപ്പ് വിഭജനം. സത്യപ്രതിജ്ഞയ്ക്ക് ശേഷം ഇക്കാര്യത്തിൽ ഔദ്യോ​ഗിക പ്രഖ്യാപനം ഉണ്ടാകും. രണ്ട് പേർ മന്ത്രിമാരായി സത്യപ്രതിജ്ഞ ചെയ്യുന്നതിനേക്കാൾ ​ഗവർണർ ആരിഫ് മുഹമ്മദ് ഖാനും മുഖ്യമന്ത്രി പിണറായി വിജയനും ഒരുമിച്ച് ഒരേ വേദിയിലെത്തുകയാണ്. ഇരുവരും തമ്മിൽ മാധ്യമങ്ങൾക്ക് മുന്നിൽ പരസ്പരം വെല്ലുവിളികളും പഴിചാരലുകളും നടത്തിയ ശേഷം ആദ്യമായാണ് ഒരുമിച്ച് കാണുന്നത്. ഭരണതലവൻമാരെന്ന നിലയിൽ ​ഗവർണറും മുഖ്യമന്ത്രിയും ഒരുമിച്ച് ഇരുന്ന് പ്രശ്നങ്ങൾ ചർച്ച ചെയ്യണമെന്ന് സുപ്രീംകോടതി വരെ പരാമർശമായി നിർദേശിച്ചിരുന്നു. മുഖ്യമന്ത്രിയുടെ ​ഗുണ്ടകളാണ് തെരുവിൽ തന്നെ നേരിടുന്നതെന്നും ​ഗവർണർ ആരോപിച്ചിരുന്നു. രാജിഭവനിലെ പാർക്കിങ്ങ് ഏരിയയിൽ ഒരുക്കിയ സത്യപ്രതിജ്ഞാ വേദിയിൽ ഇരുവരും ഒരുമിച്ച് അര മണിക്കൂറെങ്കിലും ഇരിക്കണം. പരസ്പരം അഭിവാദ്യം ചെയ്യുമോ ,മിണ്ടാതിരിക്കുമോ എന്ന തരത്തിലുള്ള ചർച്ചകൾ ചില മാധ്യമങ്ങൾ ആരംഭിച്ചിട്ടുണ്ട്. സത്യപ്രതിജ്ഞയ്ക്ക് ശേഷം പുതിയ മന്ത്രിമാർ ഉൾപ്പെടുന്ന മന്ത്രിസഭയ്ക്ക് ​ഗവർണർ ചായ സൽക്കാരം നൽകുന്ന കീഴ്വഴക്കമുണ്ട്. മന്ത്രിമാരുടെ കുടുംബാ​ഗങ്ങൾ കൂടെ ഉൾപ്പെടുന്ന ഈ സമയം സൗഹൃദ സംഭാഷണങ്ങൾക്കും വേദിയാകാറുണ്ട്. ആ സമയത്തെ മുഖ്യമന്ത്രിയുടേയും ​ഗവർണറുടേയും പെരുമാറ്റവും ശ്രദ്ധിക്കപ്പെടും. അതേ സമയം ദില്ലിയിൽ ​ഗവർണർക്കെതിരായി നീക്കം കടുപ്പിച്ച് സംസ്ഥാന സർക്കാർ. സംസ്ഥാന നിയമസഭ പാസാക്കിയ ബില്ലുകളിൽ ഒപ്പിടാതെ നീട്ടികൊണ്ട് പോകുന്ന ​ഗവർണറുടെ രീതിക്കെതിരെ സംസ്ഥാന സർക്കാർ സുപ്രീംകോടതിയിൽ നേരത്തെ സമർപ്പിച്ച ഹർജി പുതുക്കി. ​ഗവർണർ തീരുമാനം എടുക്കുന്നതിന് മാർ​ഗരേഖ പുറത്തിറക്കണമെന്നാണ് പുതയ ആവിശ്യം. സമയക്രമം നിശ്ചയിക്കണം. അനന്തമായി നീട്ടികൊണ്ട് പോകുന്നത് തടയണം. ഭരണഘടനാപരമായ അധികാരങ്ങൾ വിനിയോ​ഗിക്കുന്നതിൽ ​ഗവർണർക്ക് വീഴ്ച്ച പറ്റിയെന്ന് വിധിക്കണമെന്നും ആവിശ്യപ്പെടുന്നു. ഹർജി അടുത്തയാഴ്ച്ച സുപ്രീംകോടതി പരി​ഗണിക്കുമെന്നാണ് പ്രതീക്ഷിക്കപ്പെടുന്നത്.

Read More : ഇന്ത്യൻ നാവികരുടെ വധശിക്ഷ ഖത്തർ‌ റദ്ദാക്കി.കൂടുതൽ വിവരങ്ങൾക്കായി കാത്തിരിക്കുന്നുവെന്ന് വിദേശകാര്യമന്ത്രാലയം.