TOP NEWS
കൊച്ചി: സംസ്ഥാനത്ത് വീണ്ടും കേബിള്‍ കഴുത്തില്‍ കുടുങ്ങി അപകടം. എറണാകുളം- കോമ്പാറ മാര്‍ക്കറ്റ് റോഡില്‍ കഴിഞ്ഞ തിങ്കളാഴ്ച രാവിലെയാണ് അപകടം നടന്നത്. അപകടത്തെ തുടര്‍ന്ന് സ്‌കൂട്ടറില്‍ നിന്ന് റോഡിലേക്ക് തെറിച്ചു വീണ ഇരുപതുകാരന്റെ ഇടുപ്പെല്ലിന് ഗുരുതരമായി പരിക്കേറ്റു. കലൂര്‍ കറുകപ്പിള്ളി സ്വദേശിയായ മുഹമ്മദ് ഇര്‍ഫാന്‍ ആണ് പരിക്കേറ്റത്. ഇര്‍ഫാനെ സ്വകാര്യ ആശുപത്രിയില്‍ പ്രവേശിപ്പിച്ചു.
റോഡിന് കുറുകെ കേബിള്‍ അലക്ഷ്യമായി കിടന്നതാണ് അപകടത്തിന് കാരണം. സംഭവത്തില്‍ ഇര്‍ഫാന്റെ കുടുംബം എറണാകുളം സെന്‍ട്രല്‍ പോലീസ് സ്റ്റേഷനില്‍ പരാതി നല്‍കി. സമീപ കാലത്ത് സമാനമായ 13 അപകടങ്ങളാണ് കേരളത്തില്‍ നടന്നിട്ടുള്ളത്. രണ്ടു പേര്‍ക്ക് ജീവന്‍ നഷ്ടമാകുകയും ചെയ്തിരുന്നു. നിരവധി പേര്‍ക്ക് ഗുരുതരമായി പരിക്കേറ്റിട്ടുമുണ്ട്.
തെറ്റുകാരനല്ല : ഗ്രോ വാസുവിനെ വെറുതെവിട്ടു
