തിരുവനന്തപുരം: സ്‌കൂട്ടർ യാത്രികയ്‌ക്ക് മുകളിലൂടെ കെഎസ്ആർടിസി ബസ് കയറിയിറങ്ങി യുവതിക്ക് ദാരുണാന്ത്യം. തിരുവനന്തപുരം നെയ്യാറ്റിൻകരയിൽ ആണ് സംഭവം. ഇലവൻകുഴി സ്വദേശിയായ അശ്വതിയാണ് (26) മരിച്ചത്.റോഡ് പണിക്കായി ഇളക്കിയിട്ട മണ്ണിൽ കാൽ കുത്താൻ ശ്രമിക്കവേ റോഡിലേക്ക് വീഴുകയായിരുന്നു.

നെയ്യാറ്റിൻകര മാമ്പഴക്കര പഴിഞ്ഞിക്കുഴിയിൽ വൈകിട്ട് നാല് മണിയോടെ ആയിരുന്നു അപകടം നടന്നത്. റോഡ് പണിയുടെ ഭാഗമായി ഇവിടെ റോഡിൽ മണ്ണ് ഇളക്കിയിട്ടുണ്ടായിരുന്നു. സ്‌കൂട്ടറിൽ പോകുകയായിരുന്ന അശ്വതി എതിരെ കെഎസ്ആർടിസി ബസ് വന്നപ്പോൾ ഒരു വശത്തേക്ക് ഒതുങ്ങി നിൽക്കാൻ ശ്രമിച്ചതാണ്. ഇതിനിടെ ഇളകിക്കിടന്ന മണ്ണിൽ കാല് ചവിട്ടുകയും ബാലൻസ് തെറ്റി കെഎസ്ആർടിസി ബസിന് മുൻപിലേക്ക് വീഴുകയുമായിരുന്നു.