ലൈംഗികാതിക്രമ കേസിൽ നടനും സംവിധായകനുമായ ബാലചന്ദ്രമേനോന് ഹൈക്കോടതി മുൻകൂർ ജാമ്യം അനുവദിച്ചു. ആലുവയിലെ ഒരു നടിയുടെ പരാതിയിൽ രജിസ്റ്റർ ചെയ്ത കേസിലാണ് സിംഗിൾ ബെഞ്ചിന്റെ ഉത്തരവ്. സംഭവത്തിന് 17 വർഷം കഴിഞ്ഞിട്ടുണ്ടെന്ന് ഹൈക്കോടതി ചൂണ്ടിക്കാട്ടി, സ്ത്രീകൾക്കൊപ്പം പുരുഷന്മാർക്കും അന്തസുണ്ടെന്നും, രാജ്യത്ത് പത്മശ്രീ പുരസ്കാരം നേടിയ വ്യക്തിയാണ് ബാലചന്ദ്രമേനോൻ എന്നും വ്യക്തമാക്കി. High Court grants anticipatory bail to actor and director Balachandra Menon
മുൻപ്, നവംബർ 21 വരെ ബാലചന്ദ്രമേനോന് ഇടക്കാല മുൻകൂർ ജാമ്യം അനുവദിച്ചിരുന്നു. ഇപ്പോഴത്തെ ഹർജിയിൽ തന്നെ ഭീഷണിപ്പെടുത്തി പണം തട്ടാനുള്ള ശ്രമം നടക്കുന്നതായി ബാലചന്ദ്രമേനോൻ വാദിച്ചു. ‘ദേ ഇങ്ങോട്ട് നോക്കിയേ’ എന്ന സിനിമയുടെ ചിത്രീകരണത്തിനിടെ ലൈംഗികാതിക്രമം നടന്നുവെന്നായിരുന്നു നടിയുടെ പരാതി. ഷൂട്ടിംഗ് ലൊക്കേഷനിൽ വിളിച്ചുവരുത്തി, പിന്നീട് ഹോട്ടലിൽ ലൈംഗികാതിക്രമം നടത്തിയെന്നുമാണ് പരാതിയിൽ പറയുന്നത്.
