സന: യെമന്റെ തലസ്ഥാനമായ സനയില്‍ ജനങ്ങള്‍ക്ക് സഹായം നല്‍കുന്ന ചാരിറ്റി കേന്ദ്രത്തിലുണ്ടായ തിക്കിലും തിരക്കിലും പെട്ട് 85 മരണം. 300-ലധികം പേര്‍ക്ക് പരിക്കേറ്റു.
പെരുന്നാളിന് മുന്നോടിയായി വ്യാപാരികളുടെ നേതൃത്വത്തില്‍ ജനങ്ങള്‍ക്ക് സഹായം നല്‍കുന്നതിനിടെയായിരുന്നു അപകടം. അപകടത്തില്‍ നിരവധി സ്ത്രീകളും കുട്ടികളും മരിച്ചതായാണ് വിവരം. അപകടത്തില്‍ പരിഭ്രാന്തരായ ജനങ്ങള്‍ ഓടിയതും ദുരന്തത്തിന് കാരണമായി. സഹായം കൈപ്പറ്റാനെത്തിയ നൂറുകണക്കിന് ആളുകളാണ് അപകടത്തില്‍പ്പെട്ടത്. 5000 യെമനി റിയാലിന്റെ (1600 ഇന്ത്യന്‍ രൂപ) സഹായം കൈപ്പറ്റാനാനാണ് ഇവരെത്തിയത് എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. അപകടത്തില്‍ മരിച്ചവരെയും പരിക്കേറ്റവരെയും സമീപത്തെ ആശുപത്രിയില്‍ പ്രവേശിപ്പിച്ചു.