കൊച്ചി: കലൂർ സ്റ്റേഡിയത്തിലെ ഗാലറിയിൽ നിന്ന് വീണു പരിക്കേറ്റ എംഎൽഎ ഉമാ തോമസിന്റെ ആരോ​ഗ്യ സ്ഥിതി ഭദ്രമെന്ന് ഡോക്ടർമാർ. എംഎൽഎയെ ഐസിയുവിൽ നിന്ന് വാ‍‍‌‍ർഡിലേക്ക് മാറ്റി. പരസ​ഹായത്തോടെ നടക്കാനാരംഭിച്ചെന്നും ഏറെ നേരം സംസാരിച്ചുവെന്നും ഡോക്ടർമാർ അറിയിച്ചു.(Uma thomas MLA shifted from ICU to ward)

അതേസമയം തീവ്രപരിചരണ വിഭാ​ഗത്തിൽ നിന്ന് മാറ്റിയെങ്കിലും അണുബാധയുണ്ടാവാൻ സാധ്യതയുള്ളതിനാൽ നിലവിൽ സന്ദർശകരെ അനുവദിക്കില്ല. ഫിസിയോതെറാപ്പിയുൾപ്പടെയുള്ള ചികിത്സയിലൂടെ ആരോ​ഗ്യം വീണ്ടെടുക്കാനുള്ള ശ്രമങ്ങളാവും ഇനി ആരംഭിക്കുക. അപകടത്തെ തുടർന്ന് പതിനൊന്ന് ദിവസമാണ് ഉമാ തോമസിനെ തീവ്രപരിചരണ വിഭാ​ഗത്തിൽ പ്രവേശിപ്പിച്ചിരുന്നത്.