വീട്ടില്‍ ഉറങ്ങിക്കിടന്ന മധ്യവയസ്കയെയും പേരക്കുട്ടിയെയും മുൻ വൈരാഗ്യത്തിന്റെ പേരിൽ അടിച്ചുകൊന്നു. ഉത്തര്‍പ്രദേശിലെ ബദൗനില്‍ ഹയാത്ത് നഗര്‍ സ്വദേശി ഗീതാദേവിയും (55) മൂന്നുവയസുള്ള പേരക്കുട്ടി കല്‍പനയുമാണ് അതിക്രൂരമായി കൊല്ലപ്പെട്ടത്.Neighbor beats middle-aged woman and granddaughter to death

ഭാരമുള്ള ആയുധം കൊണ്ട് തച്ചുതകര്‍ത്ത നിലയിലായിരുന്നു മൃതദേഹങ്ങള്‍. ദേവിയുടെ ഭര്‍ത്താവ് രാംനാഥ് ജോലിക്കായി ഗ്രാമത്തിന് പുറത്തായിരുന്നു. ബദൗന്‍ സീനിയര്‍ പൊലീസ് സൂപ്രണ്ട് ബ്രിജേഷ് കുമാര്‍ സിങ് സ്ഥലത്തെത്തി പരിശോധന നടത്തി. ഫൊറന്‍സിക് ടീമും തെളിവുകള്‍ ശേഖരിച്ചു.

പ്രാഥമികാന്വേഷണത്തില്‍ രാംനാഥിന്‍റെ കുടുംബവും സമീപത്തുള്ള മറ്റൊരു കുടുംബവും തമ്മില്‍ ദീര്‍ഘകാലമായി വിരോധമുണ്ടായിരുന്നുവെന്ന് കണ്ടെത്തി. രാംനാഥ് തിരിച്ചെത്തിയപ്പോഴാണ് കൂടുതല്‍ വിവരങ്ങള്‍ ലഭിച്ചത്.

രാംലാലിന്‍റെ മകന്‍ 10 വര്‍ഷം മുന്‍പ് സമീപവാസിയായ പ്രേം പാലിന്‍റെ മകളുമായി നാടുവിട്ടുപോയി വിവാഹിതരായിരുന്നു. ഇതാണ് പകയുണ്ടാകാന്‍ കാരണം. പ്രേം പാലും മകന്‍ ബ്രിജേഷുമാണ് തന്‍റെ ഭാര്യയെയും പേരക്കുട്ടിയെയും കൊന്നതെന്ന് രാംനാഥ് ആരോപിച്ചു.