തിരുവനന്തപുരം: തിരുവനന്തപുരത്ത് റെയിൽവേയുടെ മതിലിടിഞ്ഞ് വീണ് കെഎസ്ആർടിസി കൗണ്ടർ തകർന്നു. ഇന്ന് വൈകിട്ടാണ് സംഭവം നടന്നത്. അപകടത്തിൽ വഴിയാത്രക്കാർ അടക്കം തലനാരിഴയ്ക്കാണ് രക്ഷപ്പെട്ടത്. (KSRTC counter collapsed after the railway wall collapsed in Thiruvananthapuram)

കഴിഞ്ഞ കുറച്ചു നാളുകളായി മതിൽ അപകടാവസ്ഥയിൽ ആയിരുന്നെന്ന് കെഎസ്ആർടിസി ജീവനക്കാർ പറഞ്ഞു. അപകടാവസ്ഥ ചൂണ്ടിക്കാട്ടി റെയിൽവേയ്ക്ക് നിരവധി തവണ അപേക്ഷ നൽകിയെങ്കിലും യാതൊരും മറുപടിയും ഉണ്ടായില്ലെന്നും കെഎസ്ആർടിസി ജീവനക്കാർ ആരോപിച്ചു.

ശുചീകരണ തൊഴിലാളി ജോയിയുടെ മരണം സംഭവിച്ച ആമയിഴഞ്ചാൽ തോടിന് സമീപമാണ് മതിൽ ഇടിഞ്ഞ് വീണിരിക്കുന്നത്. കാലപ്പഴക്കത്തിന് പുറമേ വലിയ തോതിൽ മാലിന്യം കുന്നുകൂടിയതുമാണ് മതിൽ ഇടിയുന്നതിന് കാരണമായതെന്നും റെയിൽവേ കോമ്പൗണ്ടിലുള്ള മരത്തിന്റെ വേര് മതിലിലേക്ക് ആഴ്ന്നിറങ്ങിയതും പ്രശ്‌നം ഗുരുതരമാക്കിയതായും കെഎസ്ആര്‍ടി ജീവനക്കാര്‍ പറയുന്നു.