വാഷിങ്ടണ്: അമേരിക്കയില് മക്ഡൊണാള്ഡ്സിന്റെ ഔട്ട്ലെറ്റുകളില് നിന്ന് നിരവധിപേർക്ക് ഭക്ഷ്യവിഷബാധയേറ്റതായി റിപ്പോർട്ട്. വിവിധയിടങ്ങളിലായി നിരവധി പേരാണ് ചികിത്സ തേടിയത്. കൊളാറോഡോയില് ഒരു മരണവും റിപ്പോര്ട്ട് ചെയ്യപ്പെട്ടിട്ടുണ്ട്.(food poisoning e coli outbreak McDonalds One Death US)
ഇ കോളി ബാക്ടീരിയയുടെ സാന്നിധ്യമാണ് ഭക്ഷ്യവിഷബാധയ്ക്ക് കാരണമായതെന്ന് സെന്റര് ഫോര് ഡിസീസ് കണ്ട്രോള് ആന്ഡ് പ്രിവന്ഷന്(സി.ഡി.സി) അറിയിച്ചു. സെപ്റ്റംബര് 27 മുതല് ഒക്ടോബര് 11 വരെയുള്ള കാലയളവിലാണ് മക്ഡൊണാള്ഡ്സിന്റെ ഔട്ട്ലെറ്റുകളില് നിന്നുള്ള ഭക്ഷ്യവിഷബാധ റിപ്പോര്ട്ട് ചെയ്പ്പെട്ടത്. ബര്ഗര് കഴിച്ചവര്ക്കാണ് ഭക്ഷ്യവിഷബാധയേറ്റത്.
10 വെസ്റ്റേണ് സംസ്ഥാനങ്ങളിലേക്ക് രോഗം വ്യാപിക്കുകയും ചെയ്തു. കൊളാറോഡോ, നെബ്രസ്ക മേഖലകളിലാണ് കൂടുതല് കേസുകള് റിപ്പോര്ട്ട് ചെയ്യപ്പെട്ടിട്ടുള്ളതെന്ന് ആരോഗ്യവകുപ്പ് വ്യക്തമാക്കി. രോഗികളുടെ ശരീരത്തില് ഇ കോളി ബാക്ടീരിയയുടെ സാന്നിധ്യം കണ്ടെത്തിയിട്ടുണ്ട്. അതേസമയം ബാക്ടീരിയ ഭക്ഷ്യപദാര്ഥങ്ങളില് കടന്നുവന്നതിനെ സംബന്ധിച്ച് കൃത്യമായ വിവരം ലഭിച്ചിട്ടില്ല. ഉള്ളിയില് നിന്നോ ബീഫില് നിന്നോ ആയിരിക്കാമെന്നാണ് സംശയം.
