ഓർഡിനറി മാത്രമായാൽ 57 കോടി, ഫാസ്റ്റ് കൂടിയായാൽ 112 കോടി! സ്ത്രീകൾക്ക് സൗജന്യ യാത്ര നൽകുമ്പോൾ ഉണ്ടാകുന്ന യഥാർത്ഥ ചിലവുകൾ ഇങ്ങനെ
തിരുവനന്തപുരം: കെ.എസ്.ആർ.ടി.സി ബസുകളിൽ സ്ത്രീകൾക്ക് സൗജന്യ യാത്ര പദ്ധതി നടപ്പിലാക്കിയാലും ജീവനക്കാരുടെ ശമ്പളവും പെൻഷനും കൃത്യമായി വിതരണം ചെയ്യുമെന്ന് ഗതാഗതമന്ത്രി സി.പി. ജോൺ വ്യക്തമാക്കി. എല്ലാ മാസവും ഒന്നാം തീയതി തന്നെ ശമ്പളവും പെൻഷനും നൽകുമെന്ന കാര്യത്തിൽ ആശങ്ക വേണ്ടെന്നും മന്ത്രി പറഞ്ഞു.
സ്ത്രീകൾക്കുള്ള സൗജന്യ യാത്ര പദ്ധതിയും ജീവനക്കാരുടെ ശമ്പള–പെൻഷൻ വിതരണവും തമ്മിൽ നേരിട്ടുള്ള സാമ്പത്തിക ബന്ധമില്ലെന്ന് മന്ത്രി വിശദീകരിച്ചു. ഇത് സർക്കാരിന്റെ സാമൂഹിക ക്ഷേമ പദ്ധതിയായതിനാൽ ആവശ്യമായ സാമ്പത്തിക ക്രമീകരണങ്ങൾ പ്രത്യേകം തയ്യാറാക്കിയിട്ടുണ്ടെന്നും അദ്ദേഹം വ്യക്തമാക്കി.
അതേസമയം, കെ.എസ്.ആർ.ടി.സി ബസുകളിൽ മുഴുവൻ സ്ത്രീകൾക്കും സൗജന്യ യാത്ര അനുവദിച്ചാൽ സ്ഥാപനത്തിന് വാർഷികമായി വലിയ സാമ്പത്തിക ബാധ്യത ഉണ്ടാകുമെന്ന വിലയിരുത്തലുകളും പുറത്തുവരുന്നുണ്ട്.
ഓർഡിനറി ബസുകളിൽ മാത്രം പദ്ധതി നടപ്പിലാക്കിയാൽ ഏകദേശം 57 കോടി രൂപയുടെ വരുമാനനഷ്ടമുണ്ടാകാമെന്നാണ് കണക്കുകൾ സൂചിപ്പിക്കുന്നത്. സിറ്റി ഫാസ്റ്റ് ഉൾപ്പെടെയുള്ള കൂടുതൽ സർവീസുകളിലേക്കും പദ്ധതി വ്യാപിപ്പിച്ചാൽ നഷ്ടം 65 കോടി രൂപയിലേയ്ക്ക് ഉയരാനിടയുണ്ടെന്നും റിപ്പോർട്ടുകളുണ്ട്.
മുഴുവൻ സർവീസുകളിലുമായി പദ്ധതി നടപ്പിലാക്കിയാൽ പ്രതിവർഷം ഏകദേശം 112 കോടി രൂപയുടെ സാമ്പത്തിക ബാധ്യത കെ.എസ്.ആർ.ടി.സിക്ക് ഉണ്ടാകുമെന്നാണ് പ്രാഥമിക വിലയിരുത്തൽ.
English Summary
Transport Minister C.P. John said that salaries and pensions of KSRTC employees will continue to be paid on time even if free bus travel for women is implemented. He clarified that the welfare scheme has separate financial planning and will not affect employee benefits.
