പ്രമുഖ എഡ്യൂ-ടെക് കമ്പനിയായ ബൈജൂസും ഇന്ത്യൻ ക്രിക്കറ്റ് കൺട്രോൾ ബോർഡും തമ്മിലുള്ള സ്പോൺസർഷിപ്പ് ബാധ്യത ഒത്തുതീർപ്പ് കരാർ സുപ്രീം കോടതി റദ്ദാക്കി. 58 കോടി രൂപയുടെ സ്പോൺസർഷിപ്പ് ബാധ്യത ഒത്തുതീർപ്പാക്കിയ നടപടിയാണ് കോടതി റദ്ദാക്കിയത്.
ദേശീയ കമ്പനി ലോ അപ്പലേറ്റ് ട്രിബ്യൂണലാണ് ഇരുവരും തമ്മിലുള്ള കരാറിന് അംഗീകാരം നൽകിയത്. ബൈജൂസിന് പണം കടം നൽകിയവർ സമർപ്പിച്ച ഹർജിയിലായിരുന്നു കോടതി വിധി പ്രസ്താവിച്ചത്. ചീഫ് ജസ്റ്റിസ് അധ്യക്ഷനായ മൂന്നംഗ ബെഞ്ചിന്റേതാണ് വിധി. ബൈജൂസ്-ബിസിസിഐ ഒത്തുതീർപ്പ് കരാർ അംഗീകരിച്ച ദേശീയ കമ്പനി ലോ അപ്പലേറ്റ് ട്രിബ്യൂണലിന്റെ ഉത്തരവ് റദ്ദാക്കണമെന്നായിരുന്നു ഹർജിയിലെ ആവശ്യം
തങ്ങൾക്ക് കോടികളുടെ ബാധ്യതയുണ്ടാക്കിയ ശേഷം ബിസിസിഐയ്ക്ക് മാത്രം 158 കോടി രൂപ നൽകി ഒത്തുതീർപ്പ് ഉണ്ടാക്കിയത് ചോദ്യം ചെയ്തു കടക്കാർക്കുവേണ്ടി അമേരിക്കയിലെ ഗ്ലാസ് ട്രസ്റ്റ് കമ്പനിയാണ് ബൈജൂസിനെതിരേ സുപ്രീംകോടതിയെ സമീപിച്ചത്. ബൈജൂസ്-ബിസിസിഐ ഒത്തുതീർപ്പ് കരാർ അംഗീകരിച്ച ദേശീയ കമ്പനി ലോ അപ്പലേറ്റ് ട്രിബ്യൂണലിന്റെ ഉത്തരവ് റദ്ദാക്കണമെന്നായിരുന്നു ഹർജിയിലെ ആവശ്യം.
ചീഫ് ജസ്റ്റിസ് ഡിവൈ ചന്ദ്രചൂഡ്, ജസ്റ്റിസുമാരായ ജെ ബി പർദ്ധിവാല, മനോജ് മിശ്ര എന്നിവരടങ്ങിയ ബെഞ്ചാണ് ഹർജിയിൽ വിശദമായ വാദം കേട്ടത്. കഴിഞ്ഞ ദിവസങ്ങളിൽ നടന്ന വിശദമായ ക്രോസ് വിസ്താരത്തിനിടെ ലോ ട്രിബ്യൂണലിന്റെ നടപടികളിലും അവർ പുറപ്പെടുവിച്ച ഉത്തരവിന്റെ സാധുതയിലും ബെഞ്ച് സംശയം പ്രകടിപ്പിച്ചിരുന്നു.
മറ്റു കടക്കാർക്ക് 15000 കോടി രൂപയോളം നൽകാനുള്ളപ്പോൾ ബിസിസിഐയുടെ കടം മാത്രം കൊടുത്തുതീർക്കാനുള്ള കാരണം ബൈജൂസിനോട് ബെഞ്ച് ആരാഞ്ഞിരുന്നു. ബൈജൂസ് നൽകിയ പണം പ്രത്യേക അക്കൗണ്ടിലേക്ക് മാറ്റാനും അന്ന് കോടതി ബിസിസിഐയോട് ആവശ്യപ്പെട്ടിരുന്നു.
ബെഞ്ച് ഉന്നയിച്ച ചോദ്യങ്ങൾക്ക് കൃത്യമായ മറുപടി നൽകാൻ ബൈജൂസിന് കഴിഞ്ഞില്ല. തുടർന്ന് ബൈജൂസും ബിസിസിഐയും തമ്മിൽ നടന്ന ഇടപാടിന് നിയമസാധുതയില്ലാത്തതിനാൽ കമ്പനി ലോ ട്രിബ്യൂണൽ പുറപ്പെടുവിച്ച ഉത്തരവ് നിലനിൽക്കില്ലെന്ന് ബെഞ്ച് വിധി പ്രസ്താവിക്കുകയായിരുന്നു.
English summary : New crisis for Byjus; The Supreme Court struck down the agreement that settled the sponsorship liability with the BCCI
