സ്വപ്നം കണ്ടതു പോലെ തന്നെ മരണം; മൂന്നു തവണ ഒരേ സ്വപ്നം കണ്ടു; പോപ് താരം മരിച്ചതും വിമാനാപകടത്തിൽ
കൊളംബിയൻ പോപ്പ് സംഗീതലോകത്തെ ഞെട്ടിച്ച് ഗായകൻ യെസൺ ജിമെനെസ് (34) വിമാനാപകടത്തിൽ മരിച്ചു.
ശനിയാഴ്ച കൊളംബിയയിലെ ചെറുവിമാനത്താവളമായ പൈപ്പിൽ നിന്ന് പറന്നുയർന്ന വിമാനം നിമിഷങ്ങൾക്കകം തകർന്നുവീണതാണ് ദുരന്തത്തിന് കാരണം.
അപകടത്തിൽ ജിമെനെസിനൊപ്പം അദ്ദേഹത്തിന്റെ ബാൻഡ് അംഗങ്ങളും ഫോട്ടോഗ്രാഫർ വീസ്മാൻ മോറയും മരണപ്പെട്ടു.
മെഡലിനിൽ നിശ്ചയിച്ചിരുന്ന സംഗീത പരിപാടിയിൽ പങ്കെടുക്കുന്നതിനായി യാത്ര ചെയ്യുകയായിരുന്ന സംഘമാണ് അപകടത്തിൽപ്പെട്ടത്. വിമാനം പറന്നുയർന്നതിന് പിന്നാലെ നിയന്ത്രണം നഷ്ടപ്പെട്ട് തകർന്നുവീണുവെന്നാണ് പ്രാഥമിക റിപ്പോർട്ടുകൾ.
അപകടവാർത്ത പുറത്തുവന്നതോടെ, ജിമെനെസ് മുൻപ് പങ്കുവച്ച ഒരു വെളിപ്പെടുത്തൽ വീണ്ടും ശ്രദ്ധയിൽപ്പെട്ടിരിക്കുകയാണ്.
കൊളംബിയൻ ടിവി ചാനലായ കാരക്കോളിന് നൽകിയ അഭിമുഖത്തിൽ, താൻ മൂന്ന് തവണ വിമാനാപകടത്തിൽപ്പെടുന്നതായി സ്വപ്നം കണ്ടിട്ടുണ്ടെന്ന് ജിമെനെസ് പറഞ്ഞിരുന്നു.
ഒരു സ്വപ്നത്തിൽ വിമാനം അപകടത്തിൽപ്പെടുമെന്ന് മനസ്സിലായതോടെ പൈലറ്റിനോട് ദിശ മാറ്റാൻ ആവശ്യപ്പെട്ടതായും അദ്ദേഹം വെളിപ്പെടുത്തിയിരുന്നു.
മറ്റൊരു സ്വപ്നത്തിൽ താനും സഹയാത്രികരും വിമാനാപകടത്തിൽ കൊല്ലപ്പെടുന്നതായാണ് കണ്ടതെന്നും, ഇത്തരത്തിലുള്ള സ്വപ്നങ്ങൾ ദൈവം നൽകുന്ന മുന്നറിയിപ്പാകാമെന്നും ജിമെനെസ് അന്ന് പറഞ്ഞിരുന്നു.
എന്നാൽ അതിന്റെ യഥാർത്ഥ അർഥം എന്താണെന്ന് തനിക്ക് വ്യക്തമല്ലെന്നും അദ്ദേഹം കൂട്ടിച്ചേർത്തിരുന്നു.
ഇപ്പോൾ നടന്ന ദാരുണമായ അപകടത്തിന് പിന്നാലെ, ഈ വാക്കുകൾ സാമൂഹിക മാധ്യമങ്ങളിലും കൊളംബിയൻ മാധ്യമങ്ങളിലും വ്യാപകമായി ചർച്ച ചെയ്യപ്പെടുകയാണ്.
English Summary
Colombian pop singer Yeson Jimenez (34) died in a plane crash shortly after takeoff from the small airport of Paipa in Colombia. He was traveling with his band members and photographer Wisman Mora to attend a concert in Medellín. Following the tragedy, Jimenez’s earlier revelation about repeatedly dreaming of dying in plane crashes has resurfaced and sparked widespread discussion on social media and in Colombian media.
Colombian pop singer Yeson Jimenez (34) died in a plane crash shortly after takeoff from the small airport of Paipa in Colombia. He was traveling with his band members and photographer Wisman Mora to attend a concert in Medellín. Following the tragedy, Jimenez’s earlier revelation about repeatedly dreaming of dying in plane crashes has resurfaced and sparked widespread discussion on social media and in Colombian media.
colombian-pop-singer-yeson-jimenez-plane-crash-death
Yeson Jimenez, Colombian pop singer, plane crash, Colombia news, celebrity death, aviation accident, Latin music, social media discussion
