26-കാരനുമായുള്ള ആ അനുഭവം മനോഹരമായിരുന്നു! പരമ്പരാഗത പ്രണയബന്ധങ്ങളോട് നോ പറഞ്ഞ് ഹോളിവുഡ് സുന്ദരി ചാർലീസ് തെറോൺ
ഹോളിവുഡ് നടി Charlize Theron വീണ്ടും സോഷ്യൽ മീഡിയ ചർച്ചകളിൽ. വിവാഹത്തെയും വ്യക്തിബന്ധങ്ങളെയും കുറിച്ച് താരം മുൻപ് നടത്തിയ തുറന്ന പരാമർശങ്ങളാണ് വീണ്ടും വൈറലാകുന്നത്.
‘Call Her Daddy’ പോഡ്കാസ്റ്റിൽ 2025ൽ നൽകിയ അഭിമുഖത്തിലാണ് ചാർലീസ് തന്റെ വ്യക്തിജീവിതത്തെക്കുറിച്ച് തുറന്നുപറഞ്ഞത്. സിംഗിൾ ജീവിതം തനിക്ക് കൂടുതൽ സ്വാതന്ത്ര്യം നൽകുന്നുവെന്നും പരമ്പരാഗത ബന്ധരീതികളിൽ താൽപര്യമില്ലെന്നും നടി പറഞ്ഞു.
അടുത്തിടെ ഒരു 26കാരനുമായി ഉണ്ടായ അനുഭവത്തെക്കുറിച്ചും താരം പരാമർശിച്ചു. അത് “മനോഹരമായ അനുഭവമായിരുന്നു” എന്നാണ് ചാർലീസ് പറഞ്ഞത്. ദീർഘകാലം സിംഗിൾ ജീവിതം നയിച്ച ശേഷം പ്രണയബന്ധങ്ങളില്ലാത്ത ബന്ധങ്ങളുടെ ആശയം തനിക്ക് നാൽപതുകളിലാണ് മനസ്സിലായതെന്നും അവർ കൂട്ടിച്ചേർത്തു.
പഴയ പോഡ്കാസ്റ്റ് ക്ലിപ്പുകൾ വീണ്ടും പ്രചരിച്ചതോടെ നടിയുടെ വ്യക്തിജീവിതം സമൂഹമാധ്യമങ്ങളിൽ വീണ്ടും ചർച്ചയായി. പിന്നാലെ The Drew Barrymore Showയിൽ പങ്കെടുത്തപ്പോൾ ഇതുസംബന്ധിച്ച ചോദ്യങ്ങൾക്കും താരം മറുപടി നൽകി. ഒരാളോടൊപ്പം സ്ഥിരമായി താമസിക്കുക എന്ന ആശയം തനിക്ക് സ്വാഭാവികമായി തോന്നുന്നില്ലെന്നും ചിലർക്ക് തന്റെ അഭിപ്രായങ്ങൾ തമാശയായി തോന്നാമെന്നും നടി പറഞ്ഞു.
രണ്ട് പെൺമക്കളെ ദത്തെടുത്ത് വളർത്തുന്ന ചാർലീസ്, കുട്ടികൾ മുമ്പ് തന്റെ ബന്ധങ്ങളെക്കുറിച്ച് കൂടുതൽ ചോദ്യങ്ങൾ ചോദിച്ചിരുന്നുവെങ്കിലും ഇപ്പോൾ അതിൽ വലിയ ആശങ്കകളില്ലെന്നും വ്യക്തമാക്കി. 2012ലും 2015ലുമാണ് താരം കുട്ടികളെ ദത്തെടുത്തത്.
English Summary
Hollywood actress Charlize Theron is back in social media discussions after clips from her 2025 “Call Her Daddy” podcast interview resurfaced online. The actress openly spoke about enjoying single life, non-traditional relationships, and her views on marriage and commitment.
