പഴങ്ങൾ സമീകൃതാഹാരത്തിൻ്റെ ഭാഗമാണെന്ന് തെളിയിക്കപ്പെട്ടിട്ടുണ്ട്. മനുഷ്യശരീരം വളരാനും വീണ്ടെടുക്കാനും ദിവസം മുഴുവൻ പ്രവർത്തിക്കാനും സഹായിക്കുന്ന എല്ലാ പോഷകങ്ങളും പഴങ്ങൾ നൽകുമെന്നു നമുക്കറിയാം. ഉയർന്ന ഫൈബർ, കുറഞ്ഞ ഗ്ലൈസെമിക് സൂചിക, തുടങ്ങിയവയാൽ സമ്പന്നമായ പപ്പായ പോലുള്ള പഴങ്ങൾ നിരവധി ആരോഗ്യ ഗുണങ്ങൾ വാഗ്ദാനം ചെയ്യുന്നു. Never eat these 6 foods with papaya.
മുതിർന്ന ഒരാൾക്ക് പ്രതിദിനം കുറഞ്ഞത് രണ്ട് കഷ്ണം പപ്പായ കഴിക്കാം , ഒരു ഇടത്തരം പപ്പായയിൽ ഏകദേശം 120 കലോറിയും 30 ഗ്രാം കാർബോഹൈഡ്രേറ്റും 2 ഗ്രാം പ്രോട്ടീനും അടങ്ങിയിരിക്കുന്നു.
പ്രതിരോധശേഷി വർധിപ്പിക്കുന്നത് മുതൽ ദഹന ആരോഗ്യവും മെറ്റബോളിസവും വർധിപ്പിക്കുന്നത് വരെ, എല്ലാ പ്രായക്കാർക്കും നിർബന്ധമായും ഉണ്ടായിരിക്കേണ്ട പഴമായി ഈ പഴം വിദഗ്ദർ ശുപാർശ ചെയ്യുന്നു. എന്നാൽ പപ്പായയുടെ നിരവധിയായ ഗുണങ്ങൾ അതേപടി ലഭിക്കണമെങ്കിൽ ചില പ്രത്യേകതരം ഭക്ഷണങ്ങളുമായി ഇത് കഴിക്കുന്നത് ഒഴിവാക്കണമെന്നാണ് പറയുന്നത്.
സിട്രസ് പഴങ്ങൾ
സിട്രസ് പഴങ്ങൾ ആളുകൾ ഫ്രൂട്ട് സാലഡ് ഉണ്ടാക്കാനായി ഉപയോഗിക്കുമ്പോൾ അവയ്ക്കൊപ്പം പപ്പായയും ചെര്കക്കാറുണ്ട്. എന്നാൽ, പപ്പായയും വിറ്റാമിൻ സിയും ഒരുമിച്ച് ചേർക്കുന്നത് അസിഡിറ്റി അല്ലെങ്കിൽ നെഞ്ചെരിച്ചിൽ ഉണ്ടാക്കാം.
ഉയർന്ന പ്രോട്ടീൻ ഉള്ള ഭക്ഷണങ്ങൾ:
പപ്പായ പ്രോട്ടീൻ വിഘടിപ്പിക്കാൻ സഹായിക്കുന്ന എൻസൈമുകളാൽ സമ്പുഷ്ടമാണ്. എന്നാൽ, അവയെ ഉയർന്ന പ്രോട്ടീൻ ഭക്ഷണങ്ങൾക്കൊപ്പം ചേർക്കുമ്പോൾ , ഉയർന്ന പ്രോട്ടീൻ അടങ്ങിയ ചില ഭക്ഷണങ്ങളുടെ ദഹനത്തെ അവ തടസ്സപ്പെടുത്തിയേക്കാം. ദഹനപ്രശ്നങ്ങൾ തടയുന്നതിന് വലിയ അളവിൽ മാംസം, മത്സ്യം അല്ലെങ്കിൽ കള്ള് എന്നിവയുമായി പപ്പായ ചേർക്കുന്നത് ഒഴിവാക്കാൻ വിദഗ്ദർ നിർദ്ദേശിക്കുന്നു.
പുളിപ്പിച്ച ഭക്ഷണങ്ങൾ
പുളിപ്പിച്ച ഭക്ഷണങ്ങൾ പപ്പായയിൽ കലർത്താൻ പാടില്ല. അവയിൽ പ്രോബയോട്ടിക്സ് അടങ്ങിയിട്ടുണ്ട്, പപ്പായയുടെ എൻസൈമുകൾ അവയുമായി കലരുമ്പോൾ, അവ ദഹനത്തെ തടസ്സപ്പെടുത്തുകയോ ദഹനനാളത്തിൻ്റെ പ്രശ്നങ്ങൾക്ക് കാരണമാവുകയോ ചെയ്യും.
പാലും പാലുൽപ്പന്നങ്ങളും
നിങ്ങൾ പപ്പായ ഷേക്ക് അല്ലെങ്കിൽ സ്മൂത്തി ഉണ്ടാക്കുകയാണെങ്കിൽ, അത് ഒഴിവാക്കേണ്ടതാണ്. വിദഗ്ധരുടെ അഭിപ്രായത്തിൽ, പാലുൽപ്പന്നങ്ങളും പപ്പായയും കലർത്തുന്നത് നല്ലതല്ല. പപ്പായയിൽ പപ്പൈൻ, ചൈമോപാപൈൻ തുടങ്ങിയ എൻസൈമുകൾ അടങ്ങിയിട്ടുണ്ട്, ഇത് പാലിനെ കട്ടപിടിപ്പിക്കുകയും ദഹനവ്യവസ്ഥയുടെ പ്രവർത്തനത്തെ തടസ്സപ്പെടുത്തുകയും ചെയ്യും. ഈ കോമ്പിനേഷൻ വീക്കം, ഗ്യാസ്, മലബന്ധം എന്നിവയ്ക്കും കാരണമായേക്കാം.
എരിവുള്ള ഭക്ഷണം
എരിവുള്ള ഭക്ഷണങ്ങൾ പപ്പായയുടെ കൂടെ കഴിക്കുന്നത് നല്ലതല്ല. വിദഗ്ധരുടെ അഭിപ്രായത്തിൽ, ഇവ ഒരുമിച്ചു കഴിക്കുന്നത് ദഹനത്തിന് അസ്വസ്ഥത ഉണ്ടാക്കുകയും ദഹനനാളത്തിൻ്റെ പ്രശ്നങ്ങൾക്ക് കാരണമാവുകയും ചെയ്യും. ഇത് വയറുവേദന, നെഞ്ചെരിച്ചിൽ അല്ലെങ്കിൽ ആസിഡ് റിഫ്ലക്സ് എന്നിവയിലേക്ക് നയിച്ചേക്കാം എന്നും പറയപ്പെടുന്നു.
കൊഴുപ്പുള്ള ഭക്ഷണങ്ങൾ
വറുത്ത വിഭവങ്ങൾ, കൊഴുപ്പുള്ള മാംസം, ക്രീം സോസുകൾ തുടങ്ങിയ കൊഴുപ്പുള്ള ഭക്ഷണങ്ങളുമായി പപ്പായ സംയോജിപ്പിക്കുന്നത് ദഹനസംബന്ധമായ അസ്വസ്ഥതകളിലേക്ക് നയിച്ചേക്കാം. പപ്പായ കൊഴുപ്പ് കുറഞ്ഞ പഴമാണെന്നും കൊഴുപ്പ് കൂടുതലുള്ള ഭക്ഷണങ്ങളുമായി ഇത് സംയോജിപ്പിക്കുന്നത് വയറിളക്കവും ദഹനക്കേടും ഉണ്ടാക്കുമെന്നും തെളിയിക്കപ്പെട്ടിട്ടുണ്ട്.
