യുദ്ധ വാർത്ത ചതിച്ചു, സ്വർണം കുതിച്ചു; രണ്ടു ദിവസത്തെ കയറ്റത്തിൽ മാസ റെക്കോർഡ്

കൊച്ചി: സംസ്ഥാനത്ത് സ്വര്‍ണവില വീണ്ടും കുതിച്ചുയർന്നു. പവന് 760 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 52,000 കടന്നു. ഒരു പവൻ സ്വർണത്തിന് 52,520 രൂപയാണ് ഇന്നത്തെ വില. ഗ്രാമിന് 95 രൂപയാണ് വര്‍ധിച്ചത്. ഇതോടെ ഒരു ഗ്രാം സ്വര്‍ണത്തിന്റെ വില 6565 രൂപയിലെത്തി.(Gold price hike today in kerala)

കഴിഞ്ഞ മാസം 17ന് സ്വര്‍ണവില 55,000 രൂപയായി ഉയര്‍ന്ന് ആ മാസത്തെ ഏറ്റവും ഉയര്‍ന്ന നിലവാരത്തില്‍ എത്തിയിരുന്നു. എന്നാല്‍ കേന്ദ്ര ബജറ്റില്‍ കസ്റ്റംസ് തീരുവ കുറച്ചതോടെ സ്വര്‍ണവിലയില്‍ വലിയ ഇടിവ് ആണ് ഉണ്ടായത്. 4500 രൂപയോളം താഴ്ന്ന ശേഷം സ്വര്‍ണവിലയില്‍ പിന്നീട് ചാഞ്ചാട്ടമാണ് ദൃശ്യമായത്.

കഴിഞ്ഞ ബുധനാഴ്ച 50,800 രൂപയായി താഴ്ന്ന് ഈ മാസത്തെ ഏറ്റവും കുറഞ്ഞ നിലവാരത്തിലേക്ക് എത്തിയ ശേഷം സ്വര്‍ണവിലയിൽ അഞ്ചുദിവസത്തിനിടെ 1700 രൂപയുടെ വർധനവാണ് ഉണ്ടായത്.