തമിഴ് സിനിമാ ലോകത്തെ ഹിറ്റ് സംവിധായകനായ ഗൗതം വാസുദേവ് മേനോൻ മലയാളത്തിൽ അരങ്ങേറ്റം കുറിയ്ക്കുന്നു എന്ന വാർത്ത പുറത്തു വന്നിരുന്നു. മെഗാ സ്റ്റാർ മമ്മുട്ടിയെ നായകനാക്കി മലയാള സിനിമാ സംവിധാനം ചെയ്യുന്നു എന്നായിരുന്നു വാർത്തകൾ. ചിത്രത്തിലെ നായികമാരെ സംബന്ധിച്ചും പല അഭ്യൂഹങ്ങൾ പുറത്തു വന്നിരുന്നു.(Mammootty-Gautham menon movie updates)
നയൻതാരയാകും നായികയെന്നും അതല്ല, സമാന്തയാണ് മമ്മൂട്ടിയുടെ നായികയാകുന്നതെനന്നുമടക്കം അഭ്യൂഹങ്ങൾ ഉണ്ടായിരുന്നു. എന്നാൽ ഇവർ രണ്ടുപേരുമല്ല. മമ്മൂട്ടിയുടെ നായികയാകുന്നത് മറ്റൊരു താരമായിരിക്കുമെന്നാണ് ഒടുവിൽ കിട്ടുന്ന വിവരം. സിനിമയുടെ ചിത്രീകരണം കൊച്ചിയിൽ വെച്ചാകും എന്നാണ് സിനിമയോടടുത്ത വൃത്തങ്ങൾ സൂചിപ്പിക്കുന്നത്.
ജൂലൈ ഒന്നിന് സിനിമയുടെ ചിത്രീകരണം തുടങ്ങാനാണ് പദ്ധതി. മലയാള സിനിമയുടെ ഭാഗമായിട്ടുണ്ടെങ്കിലും ജിവിഎമ്മിന്റെ മലയാളത്തിലെ സംവിധാന അരങ്ങേറ്റമാണ് ഈ ചിത്രം. മമ്മൂട്ടി കമ്പനിയുടെ ബാനറില് മമ്മൂട്ടി തന്നെയാണ് ചിത്രം നിര്മ്മിക്കുക.
Read Also: ഇടുക്കി നെടുങ്കണ്ടത്ത് കൊളുന്ത് ലോറി മറിഞ്ഞ് അപകടം; മൂന്നു പേർക്ക് പരിക്ക്
Read Also: തൊടുപുഴയിൽ ഡയപ്പർ ഉൾപ്പെടെ റോഡിൽ ഉപേക്ഷിച്ച് കടന്ന യുവതിയ്ക്ക് പിഴ 5000 ; പണികിട്ടിയ വഴിയിങ്ങനെ
