വിവാഹയാത്ര ദുരന്തയാത്രയായി; കണ്ടെയ്നർ ട്രക്ക് ഇടിച്ചു കയറി ട്രാവലർ മറിഞ്ഞു; 13 മരണം, 20 ഓളം പേർക്ക് പരിക്ക്
മുംബൈ: മഹാരാഷ്ട്രയിലെ പാൽഘറിൽ വിവാഹസംഘം സഞ്ചരിച്ച ട്രാവലറിലേക്ക് കണ്ടെയ്നർ ട്രക്ക് ഇടിച്ചുകയറി ഉണ്ടായ അപകടത്തിൽ 13 പേർ മരിച്ചു. ഇരുപതിലേറെ പേർക്ക് പരിക്കേറ്റു.
മുംബൈ-അഹമ്മദാബാദ് ദേശീയപാതയിൽ തിങ്കളാഴ്ച പുലർച്ചെ നാലുമണിയോടെയായിരുന്നു അപകടം. വിവാഹസംഘം സഞ്ചരിച്ച ട്രാവലറിൽ 40ൽ അധികം ആളുകൾ ഉണ്ടായിരുന്നുവെന്ന് പൊലീസ് അറിയിച്ചു.
ശക്തമായ ഇടിയിൽ ട്രാവലറും ട്രക്കും മറിഞ്ഞതോടെ നിരവധി പേർ വാഹനങ്ങൾക്കുള്ളിൽ കുടുങ്ങി. നാട്ടുകാരും പൊലീസും ചേർന്നാണ് രക്ഷാപ്രവർത്തനം നടത്തിയത്.
പരിക്കേറ്റവരെ കാസയിലെ ഉപജില്ലാ ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് ദേശീയപാതയിൽ മണിക്കൂറുകളോളം ഗതാഗത തടസ്സവും ഉണ്ടായി.
അമിതവേഗവും അശ്രദ്ധമായ ഡ്രൈവിങ്ങുമാണ് അപകടത്തിന് കാരണമെന്നാണ് പൊലീസിന്റെ പ്രാഥമിക നിഗമനം.
English Summary
At least 13 people were killed and over 20 injured after a container truck rammed into a traveller carrying a wedding party in Maharashtra’s Palghar district. The accident occurred on the Mumbai-Ahmedabad National Highway early Monday morning. Police suspect overspeeding and negligent driving as the cause of the crash.
