ബോക്സ് ഓഫീസ് തകർത്ത് ‘ധുരന്ധർ 2’; പക്ഷേ ചരിത്രം വളച്ചൊടിച്ചോ? രൺവീർ ചിത്രത്തിനെതിരെ കടുത്ത പ്രതിഷേധം

ബോളിവുഡ് താരം രൺവീർ സിംഗിനെ നായകനാക്കി ആദിത്യ ധർ സംവിധാനം ചെയ്ത ‘ധുരന്ധർ: ദി റിവഞ്ച്’ ബോക്സ് ഓഫീസിൽ സമാനതകളില്ലാത്ത മുന്നേറ്റമാണ് നടത്തുന്നത്.

ആദ്യ ഭാഗത്തിന്റെ വൻ വിജയത്തിന് പിന്നാലെ എത്തിയ രണ്ടാം ഭാഗം വെറും രണ്ട് ദിവസത്തിനുള്ളിൽ 500 കോടി രൂപയോളം കളക്ഷൻ നേടി ചരിത്രമെഴുതിയിരിക്കുകയാണ്.

എന്നാൽ ഈ സാമ്പത്തിക നേട്ടങ്ങൾക്കിടയിലും ചിത്രം കടുത്ത രാഷ്ട്രീയ വിവാദങ്ങളിലും വസ്തുതാപരമായ പിഴവുകളിലും കുരുങ്ങിയിരിക്കുകയാണ്.

സർക്കാരിനെ വെള്ളപൂശാനുള്ള രാഷ്ട്രീയ അജണ്ടയെന്ന് വിമർശകർ; പ്രൊപ്പഗണ്ട ആരോപണത്തിൽ പ്രതിക്കൂട്ടിലായി ആദിത്യ ധർ

ചിത്രം കേവലം ഒരു ആക്ഷൻ സിനിമ എന്നതിലുപരി ബിജെപി സർക്കാരിന്റെയും പ്രധാനമന്ത്രി നരേന്ദ്രമോദിയുടെയും

രാഷ്ട്രീയ നേട്ടങ്ങളെ പുകഴ്ത്താൻ നിർമ്മിച്ച പ്രൊപ്പഗണ്ട സിനിമയാണെന്നാണ് സോഷ്യൽ മീഡിയയിൽ ഉയരുന്ന പ്രധാന വിമർശനം.

രാജ്യത്തെ ജനജീവിതം സ്തംഭിപ്പിച്ച നോട്ട് നിരോധനത്തെ (Demonetization) സിനിമയിൽ ന്യായീകരിക്കുന്നത് വലിയ പ്രതിഷേധങ്ങൾക്ക് വഴിവെച്ചിട്ടുണ്ട്.

ആദ്യ ഭാഗത്തേക്കാൾ തീവ്രമായ രീതിയിൽ വലതുപക്ഷ രാഷ്ട്രീയം പ്രേക്ഷകരിലേക്ക് കുത്തിവെക്കാനാണ് സംവിധായകൻ ആദിത്യ ധർ ശ്രമിക്കുന്നതെന്ന് സിനിമ നിരീക്ഷകർ ആരോപിക്കുന്നു.

മേജർ ഇക്ബാലിന്റെ മരണം മുതൽ എസ്പി ചൗധരി വരെ; ചരിത്രവസ്തുതകളും ടൈംലൈനും അട്ടിമറിക്കപ്പെട്ടോ?

യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ടാണ് സിനിമയെന്ന് അവകാശപ്പെടുമ്പോഴും,

പ്രധാന കഥാപാത്രങ്ങളുടെ മരണസമയത്തിൽ വരുത്തിയ മാറ്റങ്ങൾ വസ്തുതാപരമായ പിഴവുകളായി ചൂണ്ടിക്കാണിക്കപ്പെടുന്നു.

ഗർഭിണിയായ യുവതിക്ക് വർക്ക് ഫ്രം ഹോം നിഷേധിച്ചു; ഇൻഷുറൻസ് തടയുമെന്ന് ഭീഷണി; പിന്നാലെ നവജാതശിശു മരിച്ചു; കമ്പനി 211 കോടി രൂപ നഷ്ടപരിഹാരം നൽകണം

അർജുൻ രാംപാൽ അവതരിപ്പിച്ച വില്ലൻ കഥാപാത്രമായ മേജർ ഇക്ബാൽ കൊല്ലപ്പെടുന്നത് 2018-നോട് അടുത്താണെന്നാണ് സിനിമയിലുള്ളത്.

എന്നാൽ യഥാർത്ഥത്തിൽ ഇയാൾ 2011-ൽ യുഎസ് ഡ്രോൺ ആക്രമണത്തിലാണ് മരിച്ചത്.

സഞ്ജയ് ദത്ത് അവതരിപ്പിച്ച എസ്പി ചൗധരിയുടെ മരണവും ഇത്തരത്തിൽ 2014-ൽ നടന്നതാണെങ്കിലും സിനിമയിൽ അത് 2015-ന് ശേഷമായാണ് ചിത്രീകരിച്ചിരിക്കുന്നത്.

ആതിഖ് അഹമ്മദിന്റെ ചിത്രീകരണവും ഐഎസ്ഐ ബന്ധവും; വിവാദങ്ങൾ സിനിമയ്ക്ക് ഗുണമോ ദോഷമോ?

മുൻ എംപി ആതിഖ് അഹമ്മദിന്റെ മരണവുമായി ബന്ധപ്പെട്ട രംഗങ്ങളാണ് ചിത്രത്തിലെ ഏറ്റവും വലിയ വിവാദത്തിന് തിരികൊളുത്തിയത്.

2023-ൽ നടന്ന ഈ സംഭവം സിനിമയിൽ അതിനു മുൻപ് നടന്നതായാണ് കാണിക്കുന്നത്.

കൂടാതെ ഇയാളെ ഒരു ഐഎസ്ഐ ചാരനായി ചിത്രീകരിച്ചതിനെതിരെയും വലിയ രീതിയിലുള്ള വിമർശനങ്ങൾ ഉയരുന്നുണ്ട്.

സിനിമാറ്റിക് ലിബർട്ടിയുടെ പേരിൽ ചരിത്ര വസ്തുതകളെ വളച്ചൊടിക്കുന്നത് പ്രേക്ഷകരെ തെറ്റിദ്ധരിപ്പിക്കാനാണെന്നാണ് ഒരു വിഭാഗം വാദിക്കുന്നത്.

ഈ വിവാദങ്ങൾ ചിത്രത്തിന്റെ കളക്ഷനെ ബാധിക്കുമോ അതോ കൂടുതൽ ആളുകളെ തിയേറ്ററിലേക്ക് എത്തിക്കുമോ എന്നാണ് സിനിമാ ലോകം ഉറ്റുനോക്കുന്നത്

English Summary

Ranveer Singh’s Dhurandhar: The Revenge has scripted history by crossing the 500-crore mark within two days of its release. However, the film is embroiled in controversy for allegedly being a “political propaganda” piece that glorifies the central government and justifies demonetization. Critics and social media users have pointed out glaring historical inaccuracies regarding the timelines of key events, specifically the deaths of characters based on Major Iqbal, SP Chaudhry, and Atiq Ahmed.