കുമ്പള: കാസർഗോഡ് കുമ്പള ദേശീയപാതയിൽ ബൈക്കിൽ ലോറി ഇടിച്ചുണ്ടായ അപകടത്തിൽ യുവാവ് മരിച്ചു. ത്യാംപണ്ണ പൂജാരിയുടെ മകൻ രവിചന്ദ്ര (35) നാണ് വാഹനാപകടത്തിൽ മരിച്ചത്.
ഇന്ന് ഉച്ചയ്ക്ക് 1.15ഓടെ ഷിറിയ പെട്രോൾ പമ്പിന് മുമ്പിലായാണ് അപകടം നടന്നത്. ഉടൻ തന്നെ നാട്ടുകാർ ചേർന്ന് യുവാവിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ഒമ്പതാം വാർഡ് മെമ്പറായ ജനാർദ്ദന പൂജാരിയുടെ സഹോദരനാണ് രവിചന്ദ്രൻ. അമ്മ: സുന്ദരി. ഭാര്യ: സന്ധ്യ. മക്കൾ: ആരാധ്യ, മോഹന, യോഗേഷ്, ശിവരാമ, ജയകര, രേവതി, സത്യ, മോഹിനി, വാരിജ.
തലമുടി കുറഞ്ഞെന്ന പേരിൽ ഭാര്യ പരിഹസിച്ചു; യുവാവ് ജീവനൊടുക്കി
ബെംഗളൂരു: തലമുടി കുറഞ്ഞെന്ന പേരിൽ ഭാര്യ നിരന്തരം പരിഹസിച്ചതിനെ തുടർന്ന് യുവാവ് ജീവനൊടുക്കിയതായി പരാതി. കർണ്ണാടക ചാമരാജ് നഗറിൽ പരമശിവമൂർത്തി (32) ആണ് ആത്മഹത്യചെയ്തത്.
സംഭവത്തിൽ യുവാവിന്റെ കുടുംബമാണ് പരാതിയുമായി രംഗത്തെത്തിയിരിക്കുന്നത്. കുറിപ്പ് എഴുതിവെച്ച ശേഷമായായിരുന്നു യുവാവിന്റെ ആത്മഹത്യ.
തനിക്ക് മുടി കുറഞ്ഞതിന്റെ പേരിൽ ഭാര്യ നിരന്തരം കളിയാക്കിയിരുന്നതായും, അതുകൊണ്ടുതന്നെ താൻ മാനസിക സമ്മർദ്ദത്തിലായിരുന്നുവെന്നും യുവാവ് ആത്മഹത്യാക്കുറിപ്പിൽ പറയുന്നു. മരിച്ച പരമശിവയുടെ കുടുംബം നൽകിയ പരാതിയുടെ അടിസ്ഥാനത്തിൽ ഭാര്യ മമതയ്‌ക്കെതിരെ ചാമരാജ് നഗർ പൊലീസ് കേസെടുത്തു.
