ജമ്മു കശ്മീരില് അതിഥി തൊഴിലാളികള്ക്ക് നേരെ വെടിവെപ്പ്. രണ്ടുപേർക്ക് പരിക്കേറ്റു. ജമ്മു കശ്മീരിലെ ബഡ്ഗാവിലാണ് ആക്രമണം ഉണ്ടായത്.(terrorists shot migrant workers in Jammu and Kashmir)
ഉത്തര്പ്രദേശ് സഹരണ്പൂര് നിവാസികളായ സോഫിയാന്, ഉസ്മാന് മാലിക് എന്നിവര്ക്കാണ് പരിക്കേറ്റതെന്ന് പൊലീസ് അറിയിച്ചു. പരിക്കേറ്റ ഇരുവരും ജല് ശക്തി വകുപ്പിലെ ദിവസ വേതനക്കാരാണ്. ശ്രീനഗറിലെ ജെവിസി ആശുപത്രിയില് പ്രവേശിപ്പിച്ച ഇരുവരും അപകടനില തരണം ചെയ്തതായി ആശുപത്രി അധികൃതര് അറിയിച്ചു.
ജമ്മു കശ്മീരിൽ രണ്ടാഴ്ചയ്ക്കിടെ അതിഥി തൊഴിലാളികള്ക്ക് നേരെയുണ്ടാകുന്ന നാലാമത്തെ ആക്രമണമാണിത് എന്നാണ് റിപ്പോർട്ട്. നേരത്തെ ഒക്ടോബര് 20നും ആക്രമണമുണ്ടായിരുന്നു. സംഭവത്തിന് പിന്നാലെ സുരക്ഷ സേന പ്രദേശത്ത് ഭീകരര്ക്കായുള്ള തിരച്ചില് ആരംഭിച്ചു.
