ഗായകൻ സന്നിധാനന്ദനെതിരെ സോഷ്യൽ മീഡിയയിൽ അധിക്ഷേപം. വൃത്തികെട്ട കോമാളി വേഷമാണ് സന്നിധാനന്റേത് എന്നും അറപ്പുളവാക്കുന്നു എന്നുമാണ് അധിക്ഷേപം. ഉഷാ കുമാരിയെന്ന പേരിലുള്ള ഫേസ്ബുക്ക് പ്രൊഫൈലിൽ നിന്നാണ് സന്നിധാനന്ദന്റെ കുടുംബ ചിത്രമടക്കം പങ്കുവച്ച് അധിക്ഷേപം നടത്തിയത്. ഗായകൻ വിധു പ്രതാപിനെതിരെയും മുടി നീട്ടി വളർത്തിയതിന് അധിക്ഷേപ പരാമർശം നടത്തിയിട്ടുണ്ട്.
‘കലാകാരന്മാരെ ഇഷ്ടമാണ് പക്ഷേ ഇതുപോലെ വൃത്തികെട്ട കോമാളി വേഷം ഇഷ്ടമല്ല. സത്യത്തിൽ പെട്ടന്നു കണ്ടാൽ ആരും പേടിച്ചു പോകും, അറപ്പാകുന്നു’ എന്നാണ് സന്നിധാനന്ദിന്റെ കുടുംബ ചിത്രം പങ്കുവെച്ച് ഉഷാ കുമാരിയുടെ പോസ്റ്റ്. ആൺ കുട്ടികളെ ആണായിട്ടും പെൺകുട്ടികളെ പെൺകുട്ടിയായിട്ടും തന്നെ വളർത്തണം. വിധുപ്രതാപിനെ പോലെയും സന്നിധാനന്ദനെ പോലെയും മുടി നീട്ടി കോമാളിയായി ജീവിച്ചു തീർക്കാൻ ഉള്ളതല്ല ജീവിതം. നാളെ ഇവരെ ചാന്തുപൊട്ട് എന്ന് വിളിക്കാൻ വഴിയൊരുക്കി കൊടുക്കുകയാണ് അമ്മമാർ എന്നും പോസ്റ്റിൽ വിമർശിച്ചിട്ടുണ്ട്.
Read Also: ശാസ്താംകോട്ടയിൽ എ.സി. പൊട്ടിത്തെറിച്ച് വീടിന് തീപിടിച്ചു; വീടിന് ഉൾവശം മുഴുവൻ പുക; വൻ നാശനഷ്ടം
Read Also: സിബിഎസ്ഇ പ്ലസ് ടു ഫലം പ്രഖ്യാപിച്ചു; ഫലം അറിയുന്ന വിധം ഇങ്ങനെ
