ജിദ്ദ: ഖുലൈസിൽ മലപ്പുറം സ്വദേശി ഹൃദയാഘാതത്തെത്തുടർന്ന് അന്തരിച്ചു. അരീക്കോട് കീഴുപറമ്പ് സ്വദേശിയും നിലവിൽ മലപ്പുറം എടവണ്ണ കല്ലിടുമ്പിൽ താമസക്കാരനുമായ 53കാരൻ ശിവപ്രസാദ് ആണ് മരിച്ചത്.
ജിദ്ദയിലെ ഖുലൈസിന്നടുത്ത് കാർപെന്ററി വർക്ക് ഷോപ്പിൽ ജോലിക്കാരനായിരുന്നു. പിതാവ്: ചന്ദൻ ഗോവിന്ദ്, മാതാവ്: യശോദ, ഭാര്യ: ദീപ, മക്കൾ: വരുൺ പ്രസാദ്, അരുൺ പ്രസാദ്, ലക്ഷീദ് പ്രസാദ്.
ജിദ്ദ അബ്ഹൂറിലെ കിംങ് അബ്ദുള്ള മെഡിക്കൽ കോംപ്ലക്സ് മോർച്ചറിയിലുള്ള മൃതദേഹം നടപടിക്രമങ്ങൾ പൂർത്തിയാക്കി നാട്ടിലെത്തിച്ച് സംസ്ക്കരിക്കുമെന്ന് സഹായങ്ങൾക്കായി രംഗത്തുള്ള കെ.എം.സി.സി ജിദ്ദ വെൽഫെയർ വിംഗ് ഭാരവാഹികൾ അറിയിച്ചു.
