കമ്പനി ഫണ്ടിൽ നിന്ന് 1.64 ലക്ഷം ദിനാർ തട്ടിപ്പ്; കുവൈത്തിൽ പ്രതി പിടിയിൽ
കുവൈത്ത് സിറ്റി: കുവൈത്തിലെ പ്രമുഖ കരാർ കമ്പനിയിൽ ജനറൽ മാനേജരായി ജോലി ചെയ്തിരുന്ന ലബനീസ് പൗരൻ വൻ സാമ്പത്തിക തട്ടിപ്പ് നടത്തിയ കേസിൽ പിടിയിലായി.
കമ്പനിയുടെ ഫണ്ടിൽ നിന്ന് ഏകദേശം 1.64 ലക്ഷം കുവൈത്ത് ദിനാർ തട്ടിയെടുത്തതായാണ് കേസ്.
നിലവിലില്ലാത്ത വ്യാജ കമ്പനികളുടെ പേരിൽ ബില്ലുകൾ തയ്യാറാക്കി പണം സ്വന്തം അക്കൗണ്ടിലേക്ക് മാറ്റുകയായിരുന്നു പ്രതി.
ജനറൽ ട്രേഡിംഗ് ആൻഡ് കോൺട്രാക്റ്റിംഗ് കമ്പനിയിലെ ഉന്നത പദവി ദുരുപയോഗം ചെയ്താണ് തട്ടിപ്പ് നടത്തിയത്.
ഏകദേശം രണ്ട് വർഷത്തോളമായി വളരെ രഹസ്യമായി തട്ടിപ്പ് തുടരുകയായിരുന്നുവെന്ന് അധികൃതർ അറിയിച്ചു.
വ്യാജ വാഗ്ദാനങ്ങളിൽ വീഴരുത്! തന്റെ ചിത്രം ഉപയോഗിച്ചുള്ള ലോൺ പരസ്യത്തിനെതിരെ അജു വർഗീസ്
ഓഡിറ്റിൽ വെളിപ്പെട്ട ക്രമക്കേട്; ചോദ്യം ചെയ്യലിൽ സമ്മതിച്ചു
കമ്പനി നടത്തിയ ആഭ്യന്തര ഓഡിറ്റിലാണ് സാമ്പത്തിക രേഖകളിലെ പൊരുത്തക്കേടുകൾ കണ്ടെത്തിയത്.
തുടർന്ന് കമ്പനിയുടെ നിയമ പ്രതിനിധി മൈദാൻ ഹവല്ലി പൊലീസ് സ്റ്റേഷനിൽ പരാതി നൽകി.
ക്രിമിനൽ സെക്യൂരിറ്റി വിഭാഗം നടത്തിയ അന്വേഷണത്തിൽ, വ്യാജ ഇൻവോയ്സുകളിൽ പ്രതി തന്നെയാണ് ഒപ്പിട്ടിരുന്നതെന്ന് കണ്ടെത്തി.
തെളിവുകൾക്ക് മുന്നിൽ കഴിഞ്ഞ രണ്ട് വർഷമായി തട്ടിപ്പ് നടത്തിയതായി പ്രതി സമ്മതിച്ചതായും റിപ്പോർട്ട്.
വിശ്വാസ വഞ്ചനക്കും സാമ്പത്തിക തട്ടിപ്പിനും കേസെടുത്ത പ്രതിയെ പബ്ലിക് പ്രോസിക്യൂഷന് കൈമാറി. കൂടുതൽ നിയമനടപടികൾ പുരോഗമിക്കുന്നു.
English Summary:
A company manager in Kuwait was arrested for embezzling 164,000 dinars by creating fake invoices in the names of non-existent companies and diverting the funds to his personal account. He reportedly carried out the fraud over a period of two years while holding a senior position in the firm. The irregularities came to light during an internal audit, after which authorities launched an investigation and took him into custody.
