പുഷ്പ 2 വിനു തിയറ്ററുകള്‍തോറും ഇതുവരെ കാണാത്ത വിധത്തിലുള്ള ഗംഭീരമായ റിലീസിങ് ആണ് നിർമ്മാതാക്കളായ മൈത്രി മൂവി മേക്കേഴ്സും സുകുമാർ റൈറ്റിങ്സും ചേർന്ന് നടപ്പാക്കിയത്. അതിന്റെ ഫലം കണ്ടുതുടങ്ങി എന്നതിന്റെ തെളിവായി പുഷ്പ 2 വിന്റെ ഇതുവരെയുള്ള കളക്ഷൻ തുക പുറത്തുവന്നിരിക്കുകയാണ്. Pushpa 2 has achieved record collections in just three days of its release.
റിലീസായി മൂന്നു ദിവസം കൊണ്ട് ഇന്ത്യൻ സിനിമാലോകത്ത് തന്നെ അതിവേഗം 621 കോടി കലക്ഷന്‍ നേടുന്ന ചിത്രമായി മാറി ‘പുഷ്പ 2: ദ റൂൾ’. നിര്‍മാതാക്കളായ മൈത്രി മൂവി മേക്കേഴ്‌സ് തന്നെയാണ് സോഷ്യൽമീഡിയയിലൂടെ ഇക്കാര്യം പുറത്തുവിട്ടത്.
വിജയ് നായകനായ ലിയോ 12 ദിവസം കൊണ്ട് 500 കോടി നേട്ടം കൈവരിച്ചിരുന്നു. ‘ജവാന്‍’ 13 ദിവസവും ‘സ്ത്രീ 2’ 22 ദിവസവും ‘ഗദ്ദര്‍ 2’ 24 ദിവസവും എടുത്താണ് 500 കോടി ക്ലബിലെത്തിയത്. ഇതുവെല്ലാം പഴങ്കഥ ആക്കിയിരിക്കുകയാണ് പുഷ്പ’യുടെ റെക്കോർഡ് കലക്ഷൻ.
12,500 ല്‍ അധികം സ്‌ക്രീനുകളില്‍ ആണ് പുഷ്പ 2 ഇറങ്ങിയത്.തെലുങ്ക്, തമിഴ്, മലയാളം, ഹിന്ദി, കന്നഡ, ബംഗാളി ഭാഷകളിലാണ് ചിത്രം പ്രദര്‍ശനത്തിനെത്തിയിരിക്കുന്നത്. പ്രീ സെയിലില്‍ നിന്ന് മാത്രം ചിത്രം 100 കോടി നേട്ടം സ്വന്തമാക്കിയിരുന്നു.
