കൊച്ചി: ഉദ്യോഗാര്ത്ഥി നൽകിയ ജാതി സര്ട്ടിഫിക്കറ്റിൽ ഏതെങ്കിലും സംശയം തോന്നിയാല് അന്വേഷണം നടത്താന് പിഎസ് സിക്ക് അധികാരമില്ലെന്ന് ഹൈക്കോടതി. അത്തരത്തിൽ എന്തെങ്കിലും തട്ടിപ്പുണ്ടെന്ന് തോന്നുകയാണെങ്കിൽ വന്യൂ വകുപ്പിനോ ബന്ധപ്പെട്ട ഏജന്സിക്കോ വിഷയം റഫര് ചെയ്യണം. ജാതി സര്ട്ടിഫിക്കറ്റ് റദ്ദാക്കാനും പി എസ് സിക്ക് അധികാരമില്ലെന്നും കോടതി അറിയിച്ചു.(PSC has no power to conduct an inquiry if the candidate’s caste; High Court)
ജസ്റ്റിസ് എ മുഹമ്മദ് മുഷ്താഖ്, ജസ്റ്റിസ് പി എം മനോജ് എന്നിവരുള്പ്പെട്ട ഡിവിഷന് ബെഞ്ചാണ് ഇക്കാര്യം വ്യക്തമാക്കിയത്. തിരുവനന്തപുരം സ്വദേശി എസ് പി അനു സമര്പ്പിച്ച ഹര്ജി പരിഗണിക്കുമ്പോഴാണ് കോടതിയുടെ നിരീക്ഷണം. ഹിന്ദു നാടാര് വിഭാഗത്തിനായി നീക്കിവെച്ച ഫയര്മാന് തസ്തികയിലേക്കുള്ള നിയമനം മതംമാറിയെന്ന പേരില് നിഷേധിച്ച പിഎസ് സി നടപടി ചോദ്യം ചെയ്താണ് അനു ഹൈക്കോടതിയെ സമീപിച്ചത്.
2015 ല് അനുവിന് ജയില് വാര്ഡനായി നിയമനം ലഭിച്ചിരുന്നു. പിന്നീട് ഫയര്മാനായി സെലക്ഷന് ലഭിച്ചപ്പോള് വാര്ഡന് ജോലി രാജിവെച്ചു. ഒരു വര്ഷത്തിന് ശേഷമാണ് ജാതി തട്ടിപ്പു നടത്തിയെന്ന് കാണിച്ച് പി എസ് സി കാരണം കാണിക്കല് നോട്ടീസ് നല്കിയത്.
