യുവതിയുടെ കിടപ്പ് മുറിയിലെയും കുളിമുറിയിലെയും ദൃശ്യങ്ങൾ പകർത്താനായി ബൾബ് ഹോൾഡറിൽ ക്യാമറ ഒളിപ്പിച്ചുവെച്ച് 30കാരൻ. തങ്ങളുടെ വാടകവീട്ടിൽ താമസിച്ചിരുന്ന യുവതിയുടെ ദൃശ്യങ്ങളാണ് യുവാവ് പകർത്തിയത്. ഡൽഹിയിലെ ഷകർപൂരിൽ നടന്ന സംഭവത്തിൽ കരൺ എന്ന യുവാവിനെ പോലീസ് അറസ്റ്റ് ചെയ്തു.A young man was arrested for recording naked scenes of a young woman with a bulb camera
പോലീസ് പറയുന്ന സംഭവം ഇങ്ങനെ:
സിവിൽ സർവീസ് പരീക്ഷക്ക് തയ്യാറെടുക്കുന്നതിനായാണ് ഉത്തർപ്രദേശുകാരിയായ യുവതി ഡൽഹിയിലെത്തിയത്. കരണിന്റെ പിതാവിന്റെ ഉടമസ്ഥതയിലുള്ള വീട്ടിലാണ് ഇവർ വാടകക്ക് താമസിച്ചിരുന്നത്. തൊട്ടടുത്ത നിലയിലാണ് കരൺ താമസിച്ചിരുന്നത്.
അടുത്തിടെ തന്റെ വാട്സ്ആപ്പ് അക്കൗണ്ടുമായി ബന്ധപ്പെട്ട് ചില അസ്വാഭാവികതകൾ യുവതിയുടെ ശ്രദ്ധയിൽപ്പെട്ടതോടെയാണ് സംഭവം പുറത്തായത്. വാട്സ്ആപ്പ് ലിങ്ക് ചെയ്ത ഉപകരണങ്ങൾ പരിശോധിച്ചപ്പോൾ അപരിചിതമായ ഒരു ലാപ്ടോപ്പും ലിസ്റ്റിൽ കണ്ടെത്തി.
ഉടൻ ലോഗൗട്ട് ചെയ്തു. സംശയം തോന്നി അപ്പാർട്ട്മെന്റിൽ യുവതി നടത്തിയ പരിശോധനയിലാണ് ശുചിമുറിയിൽ ഒളിക്യാമറ കണ്ടെത്തിയത്. യുവതിയുടെ പരാതിയെ തുടർന്ന് പൊലീസ് എത്തി പരിശോധിച്ചപ്പോഴാണ് കിടപ്പ് മുറിയിലും സമാന രീതിയിൽ ക്യാമറ ഘടിപ്പിച്ചതായി കണ്ടെത്തിയത്.
നാട്ടിൽ പോയപ്പോൾ വീടിന്റെ താക്കോൽ കരണിനെ ഏൽപ്പിച്ചിരുന്നതായി യുവതി പൊലീസിനെ അറിയിച്ചു. ഇതിനിടെയാണ് ഇയാൾ ക്യാമറ ഘടിപ്പിച്ചത്. തുടർന്നുള്ള ചോദ്യം ചെയ്യലിൽ യുവാവ് കുറ്റം സമ്മതിച്ചു.
