തിരുവനന്തപുരം: സാങ്കേതികത്വത്തിന്റെ പേരിൽ പാവപ്പെട്ടവരുടെ വയറ്റത്തടിക്കുന്ന ഉദ്യോഗസ്ഥ ഭരണത്തിന് കടുത്ത താക്കീതുമായി സംസ്ഥാന മനുഷ്യാവകാശ കമ്മീഷൻ.
മാനസിക വെല്ലുവിളി നേരിടുന്ന ഗുണഭോക്താക്കൾ മസ്റ്ററിംഗിനോട് സഹകരിച്ചില്ലെങ്കിലും അവരുടെ പെൻഷൻ ഒരു കാരണവശാലും തടഞ്ഞുവെക്കരുതെന്ന് മനുഷ്യാവകാശ കമ്മീഷൻ അധ്യക്ഷൻ ജസ്റ്റിസ് അലക്സാണ്ടർ തോമസ് ഉത്തരവിട്ടു.
വിതുര പൊൻപാറ സ്വദേശിനിയായ ഒരമ്മ തന്റെ മകന് വേണ്ടി നടത്തിയ നീണ്ട പോരാട്ടത്തിനൊടുവിലാണ് ഈ സുപ്രധാന വിധി ഉണ്ടായിരിക്കുന്നത്.
26 വർഷത്തെ കണ്ണീരും എട്ടു മാസത്തെ പട്ടിണിയും: ഒരു അമ്മയുടെ അതിജീവന പോരാട്ടം
വിതുര സ്വദേശിനിയായ 72 വയസുള്ള വൃദ്ധയും അവരുടെ മാനസിക രോഗമുള്ള മകനും പ്രതിമാസം ലഭിക്കുന്ന 1600 രൂപ പെൻഷൻ തുക കൊണ്ടാണ് ജീവിതം തള്ളിനീക്കിയിരുന്നത്.
എന്നാൽ മസ്റ്ററിംഗിന്റെ ഭാഗമായി കൈ വിരലുകൾ ബയോമെട്രിക് മെഷീനിൽ പതിപ്പിക്കാൻ മകൻ വിസമ്മതിച്ചു.
രോഗാവസ്ഥ കാരണം ഇതിനോട് സഹകരിക്കാൻ അയാൾക്ക് സാധിച്ചില്ല.
ഇതോടെ സാങ്കേതിക കാരണങ്ങൾ പറഞ്ഞ് കഴിഞ്ഞ 8 മാസമായി മകന്റെ പെൻഷൻ അധികൃതർ തടഞ്ഞുവെച്ചു.
മരുന്നിനും ഭക്ഷണത്തിനും വകയില്ലാതെ നിവൃത്തിയില്ലാതെ വന്നപ്പോഴാണ് ആ അമ്മ മനുഷ്യാവകാശ കമ്മീഷനെ സമീപിച്ചത്.
ബയോമെട്രിക് മെഷീനല്ല പ്രധാനം, മനുഷ്യനാണ്: പഞ്ചായത്ത് സെക്രട്ടറിക്ക് കമ്മീഷന്റെ കർശന നിർദ്ദേശം
ഗുണഭോക്താവ് ജീവിച്ചിരിപ്പുണ്ടോ എന്ന് ഉറപ്പുവരുത്തുക എന്നതാണ് മസ്റ്ററിംഗിന്റെ പ്രധാന ലക്ഷ്യം.
അല്ലാതെ പാവപ്പെട്ടവരുടെ അവകാശങ്ങൾ നിഷേധിക്കലല്ലെന്ന് കമ്മീഷൻ ഉദ്യോഗസ്ഥരെ ഓർമ്മിപ്പിച്ചു.
മോദി–സുല്ത്താന് ഹൈതം ഫോണ് സംഭാഷണം; ഇന്ത്യ–ഒമാന് ബന്ധം ശക്തിപ്പെടുത്താന് തീരുമാനം
ഗുണഭോക്താവിന് ഓഫീസിലെത്താനോ മെഷീനുമായി സഹകരിക്കാനോ സാധിക്കാത്ത സാഹചര്യത്തിൽ,
പഞ്ചായത്ത് സെക്രട്ടറി നേരിട്ട് ഗുണഭോക്താവിന്റെ വീട്ടിലെത്തി ആൾ ജീവിച്ചിരിപ്പുണ്ടെന്ന് ഉറപ്പുവരുത്തി പെൻഷൻ അനുവദിക്കണമെന്ന് ജസ്റ്റിസ് അലക്സാണ്ടർ തോമസ് ഉത്തരവിട്ടു.
ഇനി ആരുടെയും പെൻഷൻ മുടങ്ങരുത്; ഭാവിയിലെ പ്രശ്നങ്ങൾക്കും ശാശ്വത പരിഹാരം
പരാതിക്കാരിയുടെ മകന് കുടിശ്ശികയടക്കം പെൻഷൻ നൽകിയതായി തൊളിക്കോട് പഞ്ചായത്ത് സെക്രട്ടറി കമ്മീഷനെ അറിയിച്ചു.
എന്നാൽ ഇതുകൊണ്ട് മാത്രം പ്രശ്നം തീരുന്നില്ലെന്ന് കമ്മീഷൻ വ്യക്തമാക്കി.
ഭാവിയിലും ഇത്തരത്തിൽ ബുദ്ധിമുട്ടുകൾ ഉണ്ടാകാതെ നടപടി സ്വീകരിക്കണമെന്നും,
ആവശ്യമെങ്കിൽ പഞ്ചായത്ത് ജോയിന്റ് ഡയറക്ടർ ഇതിനായി പ്രത്യേക മാർഗനിർദ്ദേശങ്ങൾ നൽകണമെന്നും ഉത്തരവിൽ പറയുന്നു.
അന്ധമായ നിയമപാലനത്തിന് പകരം അശരണരുടെ കണ്ണീരൊപ്പുന്ന നടപടിയാണ് ഇവിടെ ഉണ്ടായിരിക്കുന്നത്.
English Summary
The Kerala State Human Rights Commission has intervened to ensure that mentally challenged individuals do not lose their welfare pensions due to technical difficulties during the annual mustering process. Following a complaint from a 72-year-old mother in Thiruvananthapuram, Chairperson Justice Alexander Thomas ruled that if a beneficiary cannot cooperate with biometric machines, the Panchayat Secretary must visit their home to verify they are alive. The commission emphasized that humanity should prevail over rigid technicalities to ensure the survival of the marginalized.
