മോദി–സുല്ത്താന് ഹൈതം ഫോണ് സംഭാഷണം; ഇന്ത്യ–ഒമാന് ബന്ധം ശക്തിപ്പെടുത്താന് തീരുമാനം
മസ്കത്ത്: ഇന്ത്യയും ഒമാനും തമ്മിലുള്ള ഉഭയകക്ഷി ബന്ധം കൂടുതല് ശക്തിപ്പെടുത്തുന്നതിനുള്ള നീക്കങ്ങളുടെ ഭാഗമായി, ഒമാന് ഭരണാധികാരി സുല്ത്താന് ഹൈതം ബിന് താരിക്യും ഇന്ത്യന് പ്രധാനമന്ത്രി നരേന്ദ്ര മോദിയും തമ്മില് ടെലിഫോണ് സംഭാഷണം നടത്തി.
ഇരുരാജ്യങ്ങളും തമ്മിലുള്ള ശക്തമായ ബന്ധത്തെക്കുറിച്ച് ഇരുനേതാക്കളും വിലയിരുത്തുകയും, വിവിധ മേഖലകളില് സഹകരണം കൂടുതല് വിപുലീകരിക്കുന്നതിനുള്ള സാധ്യതകള് ചര്ച്ച ചെയ്യുകയും ചെയ്തു.
ഒമാനും ഇന്ത്യയും തമ്മിലുള്ള ആഴത്തിലുള്ള ബന്ധം പ്രതിഫലിപ്പിക്കുന്നതും പരസ്പര താല്പര്യമുള്ള മേഖലകളില് പങ്കാളിത്തം ശക്തിപ്പെടുത്തുന്നതുമായ വിഷയങ്ങളിലായിരുന്നു പ്രധാനമായും ചര്ച്ചകള് കേന്ദ്രീകരിച്ചത്.
മേഖലയിലെ ഏറ്റവും പുതിയ സംഭവവികാസങ്ങളെയും ഇരുനേതാക്കളും വിലയിരുത്തി. നിലവിലുള്ള വെല്ലുവിളികളെ നേരിടുന്നതിനായി സംവാദവും സഹകരണവും നിര്ണായകമാണെന്ന് ഇരുവരും അഭിപ്രായപ്പെട്ടു.
