സംസ്ഥാനത്ത് മഴ മുന്നറിയിപ്പിൽ മാറ്റം
തിരുവനന്തപുരം: സംസ്ഥാനത്ത് മഴ മുന്നറിയിപ്പിൽ മാറ്റം. മൂന്ന് ജില്ലകളിൽ കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചു. കാസർകോഡ്, കണ്ണൂർ, വയനാട് ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിരിക്കുന്നത്.
ആറ് ജില്ലകളിൽ യെല്ലോ അലർട്ടും പ്രഖ്യാപിച്ചു. വടക്കൻ ജില്ലകളിൽ അതീവ ജാഗ്രത നിർദ്ദേശം നൽകിയിട്ടുണ്ട്. അതേസമയം സംസ്ഥാനത്ത് ഇന്നും ഒറ്റപ്പെട്ടയിടങ്ങളിൽ അതിതീവ്ര മഴ തുടരുകയാണ്.
വയനാട് ബാണാസുര ഡാമിന്റെ ഷട്ടർ തുറന്നു. 10 സെന്റീമീറ്ററാണ് ഷട്ടർ ഉയർത്തിയത്. കാരമാൻതോട് പനമരം പുഴയോരത്തുള്ളവർക്ക് ജാഗ്രതാ നിർദേശം നൽകിയിട്ടുണ്ട്.
അപകടകരമായ നിലയില് ജലനിരപ്പ് ഉയര്ന്നു; സംസ്ഥാനത്ത് 9 ഡാമുകളില് റെഡ് അലേര്ട്ട്
തിരുവനന്തപുരം: സംസ്ഥാനത്ത് 9 ഡാമുകളില് റെഡ് അലേര്ട്ട് പ്രഖ്യാപിച്ചു. ഡാമുകള്ക്ക് അരികില് താമസിക്കുന്നവര്ക്ക് ജാഗ്രത നിര്ദ്ദേശം നല്കി. അപകടകരമായ നിലയില് ജലനിരപ്പ് ഉയര്ന്നതിനെ തുടര്ന്നാണ് നിർദേശം നൽകിയത്.
പത്തനംതിട്ട കക്കി,മൂഴിയാര്, ഇടുക്കി മാട്ടുപ്പെട്ടി, കല്ലാര്കുട്ടി, ഇരട്ടയാര്, ലോവര് പെരിയാര് , തൃശൂര് ഷോളയാര്,പെരിങ്ങല്കുത്ത്, വയനാട് ബാണാസുരസാഗര് എന്നീ ഡാമുകള്ക്കാണ് മുന്നറിയിപ്പ്. ഡാമുകളില് നിന്ന് നിശ്ചിത അളവില് വെള്ളം പുറത്ത് വിടുന്നുണ്ട്.
ടാപ്പിങ് തൊഴിലാളിയെ കട്ടൻചായയിൽ വിഷം കലർത്തി കൊല്ലാൻ ശ്രമം; യുവാവ് അറസ്റ്റിൽ
മലപ്പുറം: ടാപ്പിങ് തൊഴിലാളിയെ കട്ടൻചായയിൽ വിഷം കലർത്തി കൊല്ലാൻ ശ്രമിച്ച സംഭവത്തിൽ യുവാവ് അറസ്റ്റിൽ. കളപ്പാട്ടുകുന്ന് തോങ്ങോട്വീട്ടിൽ അജയ് (24) നെയാണ് അറസ്റ്റ് ചെയ്തത്.
കാരാട് വടക്കുംപാടം ചെണ്ണയിൽ വീട്ടിൽ സുന്ദരന്റെ പരാതിയിലാണ് നടപടി. മുൻവൈരാഗ്യം തീർക്കുന്നതിനായാണ് അജയ് കൊലപാതക ശ്രമം നടത്തിയത്.
ടാപ്പിങ് തൊഴിലാളിയായ സുന്ദരൻ പുലർച്ചെ ജോലിക്കു പോകുന്ന സമയത്ത് ഇടയ്ക്കു കുടിക്കാൻ, ഫ്ലാസ്കിൽ കട്ടൻചായ കൊണ്ടുപോകാറുണ്ടായിരുന്നു. ഈ ഫ്ലാസ്ക് ബൈക്കിൽ വയ്ക്കുകയാണു പതിവ്.
കഴിഞ്ഞ 10ന് ചായ കുടിച്ചപ്പോൾ രുചി വ്യത്യാസം തോന്നി. ഇതേ തുടർന്ന് സുതാര്യമായ പ്ലാസ്റ്റിക് കുപ്പിയിലാണു പിന്നീട് കട്ടൻചായ കൊണ്ടുപോയത്. എന്നാൽ 14നും ചായകുടിച്ചപ്പോൾ രുചിവ്യത്യാസം തോന്നി. പരിശോധിച്ചപ്പോൾ നിറത്തിലും മാറ്റം കണ്ടു.
തുടർന്നാണ് പൊലീസിൽ പരാതി നൽകിയത്. സിഐ എൻ.ദീപകുമാർ, എസ്ഐ എം.ആർ.സജി, സിപിഒ ബൈജു എന്നിവരുടെ നേതൃത്വത്തിലുള്ള അന്വേഷണത്തിൽ അജയ്യും സുന്ദരനും തമ്മിൽ നേരത്തേ ചില പ്രശ്നങ്ങൾ ഉണ്ടായിരുന്നതായി കണ്ടെത്തി.
തുടർന്ന് അജയിനെ കസ്റ്റഡിയിലെടുത്തു ചോദ്യം ചെയ്തപ്പോഴാണു പ്രതി കുറ്റം സമ്മതിച്ചത്. പെരിന്തൽമണ്ണ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Summary: IMD has updated the Kerala weather warning, issuing an orange alert for Kasaragod, Kannur, and Wayanad districts due to the possibility of heavy rainfall. Authorities urge residents to stay cautious and follow safety guidelines.
