ഇരുട്ടടിക്ക് പിന്നാലെ ഇരുട്ടടി; ഇന്ധനവില വീണ്ടും കൂട്ടി! ഒരാഴ്ചയ്ക്കിടെ ഇത് രണ്ടാം തവണ; ജനങ്ങളുടെ പോക്കറ്റ് ചോർത്തി പുതിയ നിരക്കുകൾ
കൊച്ചി: സംസ്ഥാനത്ത് ഒരാഴ്ചയ്ക്കിടെ രണ്ടാമതും ഇന്ധനവില വർധിപ്പിച്ചു. പെട്രോളിന് 86 പൈസയും ഡീസലിന് 83 പൈസയുമാണ് പുതുതായി കൂട്ടിയത്. ഇതോടെ കൊച്ചിയിൽ പെട്രോളിന്റെ വില ലിറ്ററിന് 109.60 രൂപയായും ഡീസലിന്റെ വില 98.45 രൂപയായും ഉയർന്നു.
കഴിഞ്ഞ വെള്ളിയാഴ്ച പെട്രോളിന് മൂന്ന് രൂപ വർധിപ്പിച്ചതിന് പിന്നാലെയാണ് വീണ്ടും വില കൂട്ടിയത്. പശ്ചിമേഷ്യയിലെ സംഘർഷാവസ്ഥയും ആഗോള ഇന്ധന വിപണിയിലെ അനിശ്ചിതത്വവുമാണ് പുതിയ വർധനവിന് കാരണമായി ചൂണ്ടിക്കാണിക്കുന്നത്.
ഇന്ധനവില ഇനിയും ഉയരാനിടയുണ്ടെന്ന സൂചനകളും ലഭിക്കുന്നുണ്ട്. തുടർച്ചയായ വിലവർധന സാധാരണ ജനങ്ങളെയും ഗതാഗത മേഖലയെയും കൂടുതൽ ബാധിക്കുമെന്ന ആശങ്ക ഉയരുന്നുണ്ട്.
English Summary
Fuel prices were increased for the second time within a week, with petrol going up by 86 paise and diesel by 83 paise. In Kochi, petrol now costs ₹109.60 per litre and diesel ₹98.45. The hike is being linked to fuel market instability amid tensions in West Asia.
