തിരുവനന്തപുരത്ത് 28 വയസുകാരിക്ക് വെട്ടേറ്റു. നെയ്യാറ്റിൻകരയിൽ ആണ് സൂര്യ എന്ന യുവതിയെ വെട്ടി പരിക്കേൽപ്പിച്ചത്.
ഇന്ന് ഉച്ചയോടെയാണ് സംഭവമുണ്ടായത്. യുവതിയുടെ ആൺ സുഹൃത്താണ് വെട്ടിയതെന്നാണ് സൂചന. സൂര്യയെ മെഡിക്കൽ കോളേജ് ആശുപത്രിയിലേക്ക് മാറ്റി.
സൂര്യയെന്ന യുവതിയുടെ വീട്ടിൽ കയറി ആൺസുഹൃത്ത് ആക്രമിക്കുകയായിരുന്നു. വെട്ടിയതിനുശേഷം ആൺ സുഹൃത്തും സുഹൃത്തുക്കളും ചേർന്ന് സൂര്യയെ ബൈക്കിൽ കയറ്റി ആശുപത്രിയിൽ എത്തിക്കുകയായിരുന്നു.
യുവതിയെ ആശുപത്രിയിൽ എത്തിച്ച ശേഷം ആൺ സുഹൃത്തും സുഹൃത്തുക്കളും ആശുപത്രിയിൽ നിന്ന് കടക്കുകയായിരുന്നു. ഇവർക്കായി തിരച്ചിൽ ആരംഭിച്ചതായി പോലീസ് അറിയിച്ചു.
