തിരുവനന്തപുരത്തെ ബിജെപി സ്ഥാനാര്‍ത്ഥി രാജീവ് ചന്ദ്രശേഖറിന് പിന്തുണയുമായി നടിശോഭന. നാളെ നരേന്ദ്ര മോദി പങ്കെടുക്കുന്ന തിരഞ്ഞെടുപ്പ് പ്രചരണ പരിപാടിയിലും ശോഭന പങ്കെടുക്കുമെന്നാണ് സൂചന. നാളെ നിശ്ചയിച്ചിരിക്കുന്ന ആറ്റിങ്ങല്‍, തിരുവനന്തപുരം മണ്ഡലങ്ങളുടെ സംയുക്ത പൊതുയോഗങ്ങളിൽ വി.മുരളീധരന്‍ മത്സരിക്കുന്ന ആറ്റിങ്ങല്‍ മണ്ഡലത്തിലെ കാട്ടാക്കടയിലാണ് പ്രധാനമന്ത്രി പ്രസംഗിക്കുന്നത്. ഇതിലാണ് ശോഭനയും പങ്കെടുക്കുക.
നേരത്തെ തൃശൂരിൽ നരേന്ദ്ര മോദി പങ്കെടുത്ത മഹിളാ സമ്മേളനത്തിൽ ശോഭന പണ്ടെടുത്ത വലിയ ചർച്ചകൾക്ക് വഴിവച്ചിരുന്നു. ശോഭന ബിജെപിയിലേക്ക് എന്നുവരെ അഭ്യൂഹങ്ങൾ ഉണ്ടായിരുന്നു. എന്നാൽ ബഹളങ്ങളിൽ നിന്നും ഒഴിഞ്ഞു നിന്ന് ഒന്നിനോട് പ്രതികരിക്കാതിരുന്ന നടിയാണ് ഇപ്പോൾ വ്യക്തമായി തന്റെ നിലപാട് പറഞ്ഞുകൊണ്ട് രംഗത്തെത്തിയിരിക്കുന്നത്. രാജീവ് ചന്ദ്രശേഖറിന്. ഒപ്പം വാര്‍ത്താസമ്മേളനം വിളിച്ചാണ് ശോഭന തന്റെ പിന്തുണയും നിലപാടും വ്യക്തമാക്കിയത്. വൈകുന്നേരം നെയ്യാറ്റിന്‍കരയില്‍ സ്ഥാനാര്‍ത്ഥിപര്യടനത്തിലും ശോഭന പങ്കെടുക്കും. എന്നാല്‍ പാര്‍ട്ടിയില്‍ അംഗത്വം എടുക്കുന്നത് സംബന്ധിച്ച് വിശദീകരിക്കാൻ നടി തയ്യാറായില്ല.
Read also;എന്തൊരു ചൂട് ! പാലക്കാട് പൊള്ളുന്ന ചൂടിൽ കവറില്‍ ഇരുന്ന കാടമുട്ട വിരിഞ്ഞു
