ഒരു മാസത്തിൽ കളി മറിഞ്ഞു! ഇൻസ്റ്റാഗ്രാമിൽ നാലാം സ്ഥാനത്ത് നിന്ന് ഒന്നാമനായി സഞ്ജു; കീർത്തിക്ക് തിരിച്ചടി, ദുൽഖർ പിന്നോട്ട്
ഇൻസ്റ്റാഗ്രാമിൽ മലയാളി താരങ്ങളുടെ റാങ്കിംഗിൽ വലിയ മാറ്റം. ഒരുമാസത്തിനുള്ളിൽ നടന്ന ഈ മറിച്ചടി സോഷ്യൽ മീഡിയയിൽ ശ്രദ്ധ നേടുകയാണ്.
മുൻപ് ഒന്നാം സ്ഥാനത്ത് നിലനിന്നിരുന്ന കീർത്തി സുരേഷിനെ പിന്തള്ളി, ഇന്ത്യൻ ക്രിക്കറ്റ് താരം സഞ്ജു സാംസണ് ഇപ്പോൾ മലയാളികളിൽ ഏറ്റവും കൂടുതൽ ഫോളോവേഴ്സുള്ള വ്യക്തിയായി മാറി.
മാർച്ച് 6 വരെ നാലാം സ്ഥാനത്തുണ്ടായിരുന്ന സഞ്ജു, വൻ കുതിപ്പോടെ ഒന്നാം സ്ഥാനത്തെത്തുകയായിരുന്നു.
ടി20 ലോകകപ്പിന് ശേഷമുള്ള ജനപ്രീതി വർധനയാണ് സഞ്ജുവിന്റെ ഫോളോവേഴ്സ് വേഗത്തിൽ ഉയരാൻ കാരണമായതെന്നാണ് റിപ്പോർട്ടുകൾ. നിലവിൽ 19.1 മില്യൺ ഫോളോവേഴ്സാണ് സഞ്ജുവിന്.
കീർത്തി സുരേഷ് ഇപ്പോൾ 18.8 മില്യൺ ഫോളോവേഴ്സുമായി രണ്ടാം സ്ഥാനത്താണ്. ഏറെക്കാലം ഒന്നാം സ്ഥാനത്ത് നിലനിന്നതിന് ശേഷമാണ് ഈ മാറ്റം.
ഇതിനിടെ, അനുപമ പരമേശ്വരൻ മൂന്നാം സ്ഥാനത്തേക്ക് ഉയർന്നു. 16.6 മില്യൺ ഫോളോവേഴ്സാണ് അനുപമയ്ക്ക്.
അതേസമയം, മുൻപ് മൂന്നാം സ്ഥാനത്തുണ്ടായിരുന്ന ദുൽഖർ സൽമാൻ ഒരു സ്ഥാനത്തേക്ക് താഴ്ന്ന് നാലാം സ്ഥാനത്തായി. ഇപ്പോൾ 15.9 മില്യൺ ഫോളോവേഴ്സാണ് ദുൽഖറിന്.
ടോപ് മലയാളി ഇൻസ്റ്റാഗ്രാം സ്റ്റാർസ്
- സഞ്ജു സാംസൺ – 19.1M
- കീർത്തി സുരേഷ് – 18.8M
- അനുപമ പരമേശ്വരൻ – 16.6M
- ദുൽഖർ സൽമാൻ – 15.9M
English Summary:
Sanju Samson has become the most followed Malayali on Instagram, making a remarkable jump from fourth to first place within just a month. He overtook Keerthy Suresh, who slipped to second despite long holding the top spot. Meanwhile, Anupama Parameswaran moved up to third place, and Dulquer Salmaan dropped to fourth in the latest rankings, reflecting a rapid shift in social media popularity.
