റെക്കോർഡ് ചരിത്രമെഴുതി നരേന്ദ്ര മോദി: ഇന്ത്യയിൽ ഏറ്റവും കൂടുതൽ കാലം ഭരിച്ച ജനകീയ നേതാവ്

ന്യൂഡൽഹി: ഇന്ത്യൻ രാഷ്ട്രീയ ഭൂപടത്തിൽ പുതിയ ചരിത്രം കുറിച്ച് പ്രധാനമന്ത്രി നരേന്ദ്ര മോദി.

ഒരു തിരഞ്ഞെടുക്കപ്പെട്ട സർക്കാരിനെ ഏറ്റവും കൂടുതൽ കാലം നയിച്ച ഇന്ത്യൻ ഭരണാധികാരി എന്ന അപൂർവ്വ നേട്ടം ഇനി നരേന്ദ്ര മോദിക്ക് സ്വന്തം.

സിക്കിം മുൻ മുഖ്യമന്ത്രി പവൻ കുമാർ ചാംലിംഗിന്റെ ദീർഘകാലത്തെ റെക്കോർഡാണ് ഇതോടെ പഴങ്കഥയായത്.

പവൻ കുമാർ ചാംലിംഗിന്റെ റെക്കോർഡ് പഴങ്കഥയാക്കി 8,931 ദിവസത്തെ ഭരണമികവ്

ഗുജറാത്ത് മുഖ്യമന്ത്രിയായും ഇന്ത്യൻ പ്രധാനമന്ത്രിയായും നരേന്ദ്ര മോദി ഇതുവരെ പൂർത്തിയാക്കിയത് 8,931 ദിവസങ്ങളാണ്.

സിക്കിം മുഖ്യമന്ത്രിയായിരുന്ന പവൻ കുമാർ ചാംലിംഗിന്റെ 8,930 ദിവസം എന്ന റെക്കോർഡാണ് ഇതോടെ മോദി മറികടന്നത്.

ഭരണത്തലവൻ എന്ന നിലയിൽ 25 വർഷം എന്ന സുവർണ്ണ നാഴികക്കല്ലും അദ്ദേഹം പിന്നിട്ടു.

സ്വതന്ത്ര ഇന്ത്യയിൽ ജനിച്ച രാജ്യത്തെ ആദ്യ പ്രധാനമന്ത്രി എന്ന സവിശേഷതയും ഈ റെക്കോർഡ് നേട്ടത്തിന് മാറ്റുകൂട്ടുന്നു.

ഗുജറാത്തിന്റെ മണ്ണിൽ നിന്ന് ദേശീയ രാഷ്ട്രീയത്തിന്റെ അമരത്തേക്ക് ഒരു ജൈത്രയാത്ര

2001 ഒക്ടോബർ 7-നാണ് നരേന്ദ്ര മോദി ആദ്യമായി ഗുജറാത്ത് മുഖ്യമന്ത്രിയായി സത്യപ്രതിജ്ഞ ചെയ്യുന്നത്.

തുടർച്ചയായ 13 വർഷം ഗുജറാത്തിനെ വികസനത്തിന്റെ പാതയിലേക്ക് നയിച്ച അദ്ദേഹം, 2014 മെയ് 21 വരെ ആ പദവിയിൽ തുടർന്നു.

ഗുജറാത്തിനെ ഏറ്റവും കൂടുതൽ കാലം നയിച്ച മുഖ്യമന്ത്രി എന്ന റെക്കോർഡും അദ്ദേഹത്തിന്റെ പേരിലുണ്ട്. ഇതിന് ശേഷമാണ് ദേശീയ രാഷ്ട്രീയത്തിലേക്ക് മോദി ചുവടുവെക്കുന്നത്.

ആത്മകഥ വിവാദങ്ങൾക്കുശേഷം നിലപാട് മാറ്റം;ഇനി ഫിക്ഷൻ മാത്രം എഴുതുമെന്ന് മുൻ സൈനിക മേധാവി

ലോക്സഭയിൽ പൂർണ്ണ ഭൂരിപക്ഷത്തോടെ അധികാരത്തിലെത്തിയ ആദ്യ കോൺഗ്രസ് ഇതര നായകൻ

2014 മെയ് 26-ന് ഇന്ത്യയുടെ 14-ാമത് പ്രധാനമന്ത്രിയായി അധികാരമേറ്റ മോദി, ഇന്ത്യൻ പാർലമെന്ററി ചരിത്രത്തിൽ പുതിയ അധ്യായം എഴുതിച്ചേർത്തു.

ലോക്സഭയിൽ പൂർണ്ണ ഭൂരിപക്ഷത്തോടെ അധികാരത്തിലെത്തുന്ന ആദ്യ കോൺഗ്രസ് ഇതര നേതാവായി അദ്ദേഹം മാറി.

പിന്നീട് 2019-ലും 2024-ലും തുടർച്ചയായ വിജയങ്ങൾ നേടി മൂന്നാം തവണയും പ്രധാനമന്ത്രി പദവിയിൽ എത്തിയതോടെ,

ജവഹർലാൽ നെഹ്‌റുവിന് ശേഷം ഈ നേട്ടം കൈവരിക്കുന്ന ആദ്യ നേതാവായി മോദി മാറി.

English Summary:

Prime Minister Narendra Modi has achieved a historic milestone by becoming the longest-serving elected head of government in India. With a total of 8,931 days in office as both Gujarat CM and India’s PM, he surpassed the 8,930-day record set by former Sikkim CM Pawan Kumar Chamling. Having completed 25 years in executive roles, Modi is also the first Prime Minister born in independent India and the first non-Congress leader to secure three consecutive terms.