അമ്പലപ്പുഴയിൽ ജി. സുധാകരന് കോൺഗ്രസ് പിന്തുണ; സ്ഥാനാർഥിയെ നിർത്തില്ല
ന്യൂഡൽഹി: അമ്പലപ്പുഴ നിയമസഭ മണ്ഡലത്തിൽ സ്വതന്ത്ര സ്ഥാനാർഥിയായി മത്സരിക്കുന്ന മുൻ സിപിഎം നേതാവ് ജി. സുധാകരന് കോൺഗ്രസ് പിന്തുണ പ്രഖ്യാപിച്ചു. മണ്ഡലത്തിൽ കോൺഗ്രസ് സ്വന്തം സ്ഥാനാർഥിയെ നിർത്തില്ലെന്നാണ് പാർട്ടി തീരുമാനമെന്ന് നേതാക്കൾ അറിയിച്ചു.
അതേസമയം, ആരുടെയും പിന്തുണ തേടില്ലെന്നായിരുന്നു ജി. സുധാകരന്റെ മുൻപ്രഖ്യാപനം. എന്നാൽ ആരെങ്കിലും പിന്തുണ പ്രഖ്യാപിച്ചാൽ അതിന്റെ സ്വഭാവം പരിശോധിച്ച ശേഷം നിലപാട് അറിയിക്കാമെന്നും അദ്ദേഹം വ്യക്തമാക്കിയിരുന്നു.
അമ്പലപ്പുഴ മണ്ഡലത്തിൽ സിപിഎം സ്ഥാനാർഥിയായി എച്ച്. സലാം മത്സരിക്കുകയാണ്. പാർട്ടിയുടെ അവഗണനയിൽ മനംനൊന്താണ് ജി. സുധാകരൻ സിപിഎം വിട്ട് സ്വതന്ത്രനായി മത്സരിക്കാൻ തീരുമാനിച്ചത്.
