മെട്രോ സ്റ്റേഷനുകളിൽ പുക ബോംബെറിഞ്ഞ് കത്തിയാക്രമണം; മൂന്ന് മരണം, അക്രമി കെട്ടിടത്തിൽ നിന്ന് ചാടി ആത്മഹത്യ ചെയ്തു
തായ്പേയ്: തായ്വാനിലെ മെട്രോ സ്റ്റേഷനുകളിൽ വെള്ളിയാഴ്ച വൈകുന്നേരമുണ്ടായ പുക ബോംബ് സ്ഫോടനത്തിലും തുടർന്ന് നടന്ന കത്തിയാക്രമണത്തിലും മൂന്ന് പേർ കൊല്ലപ്പെട്ടു.
ആക്രമണത്തിന് പിന്നാലെ പരിഭ്രാന്തി പരത്തിയ അക്രമി സമീപത്തെ ബഹുനില കെട്ടിടത്തിൽ നിന്ന് ചാടി ആത്മഹത്യ ചെയ്തു.
27-കാരനായ അക്രമി ആദ്യം തായ്പേയ് മെയിൻ സ്റ്റേഷനിൽ പുക ബോംബ് പൊട്ടിച്ചു. തുടർന്ന് സമീപത്തെ സോങ്ഷാൻ മെട്രോ സ്റ്റേഷനിലേക്ക് എത്തി കത്തിയുപയോഗിച്ച് യാത്രക്കാരെ ആക്രമിക്കുകയായിരുന്നു.
ആക്രമണത്തിൽ മൂന്ന് പേർ കൊല്ലപ്പെട്ടു. അക്രമിയെ തടയാൻ ശ്രമിച്ച ഒരാളും കൊല്ലപ്പെട്ടവരിൽ ഉൾപ്പെടുന്നു.
ആക്രമണത്തിന് ശേഷം അക്രമി സമീപത്തെ ഉയരംകൂടിയ കെട്ടിടത്തിലേക്ക് കയറി അവിടെ നിന്ന് ചാടി ജീവനൊടുക്കുകയായിരുന്നു.
കുറ്റകൃത്യങ്ങൾ വളരെ കുറവായ രാജ്യമായി അറിയപ്പെടുന്ന തായ്വാനെ ഈ സംഭവം കടുത്ത ഞെട്ടലിലാഴ്ത്തിയിരിക്കുകയാണ്.
അക്രമം നടത്തിയ വ്യക്തി നിരവധി ക്രിമിനൽ കേസുകളിൽ പ്രതിയായിരുന്നുവെന്ന് പൊലീസ് സ്ഥിരീകരിച്ചു. സംഭവത്തെ തുടർന്ന് മെട്രോ സ്റ്റേഷനുകളിൽ സുരക്ഷ ശക്തമാക്കിയിട്ടുണ്ട്.
English Summary
Three people were killed in a smoke bomb blast followed by a knife attack at metro stations in Taipei, Taiwan. The 27-year-old attacker later died by suicide after jumping from a nearby building. Police said the suspect had a criminal background, and the incident has shocked the otherwise low-crime nation.
taipei-metro-smoke-bomb-knife-attack-three-killed
Taipei, Taiwan, Metro Attack, Smoke Bomb, Knife Attack, Suicide, International News, Crime
