വഴിയരികിൽ കാറിന് തീപിടിച്ചു; യാത്രക്കാരെ പുറത്തെടുക്കാൻ അഗ്നിരക്ഷാസേനയുടെ നടപടി
വിഴിഞ്ഞം: വിഴിഞ്ഞത്ത് ഓടിക്കൊണ്ടിരുന്ന കാറിന് തീപിടിച്ചു. നിമിഷങ്ങൾക്കുള്ളിൽ വലിയ അപകടം ഒഴിവായി.
ബുധനാഴ്ച രാവിലെ വിഴിഞ്ഞം അഗ്നിരക്ഷാ സ്റ്റേഷന്റെ മുന്നിലാണ് സംഭവം.
കാറിൽ ഉണ്ടായിരുന്നത് നെയ്യാറ്റിൻകര സ്വദേശികളായ അജയ് കുമാറും കുട്ടികളടക്കമുള്ള കുടുംബവുമായിരുന്നു.
അഗ്നിരക്ഷാസേന സ്റ്റേഷനിൽ ഉണ്ടായിരുന്ന ഉദ്യോഗസ്ഥർ പുക ഉയരുന്നത് കണ്ടതോടെ ഉടൻ കാറിനരികിലേക്ക് ഓടിച്ചെന്നു.
യാത്രക്കാരെ വേഗത്തിൽ പുറത്തിറക്കിയതോടെ വലിയ അപകടം ഒഴിവായി.
എംഎൽഎ രാഹുല് മാങ്കൂട്ടത്തിൽ കീഴടങ്ങിയോ? ഹോസ്ദുര്ഗ് കോടതിയില് വന് പൊലീസ് സന്നാഹം
തീപിടിത്തത്തിന്റെ കാരണം: എസി ഭാഗത്ത് ഷോർട്ട് സർക്യൂട്ട്
കാറിന്റെ എസി യൂണിറ്റിന്റെ ഭാഗത്തുനിന്നാണ് തീ പടർന്നതെന്നു എന്നതാണ് പ്രാഥമിക നിഗമനം.
തീ വേഗത്തിൽ പടരാനിടയായ സാഹചര്യത്തിൽ സ്റ്റേഷനിൽ ഉണ്ടായിരുന്ന സേനാംഗങ്ങൾ പെട്ടെന്ന് പ്രവർത്തനം ആരംഭിച്ച് തീ നിയന്ത്രണം വിധേയമാക്കി.
അഗ്നിരക്ഷാ സേനയുടെ സമയോചിത ഇടപെടൽ
സ്റ്റേഷൻ ഓഫീസർ പ്രമോദിന്റെ നേതൃത്വത്തിൽ സീനിയർ ഫയർ & റെസ്ക്യൂ ഓഫീസർ സനു, ഫയർ & റെസ്ക്യൂ ഓഫീസർമാരായ ജിനേഷ്, സന്തോഷ് കുമാർ, പ്രദീപ്, രതീഷ്, സാജൻ, രഹിൽ എന്നിവരടങ്ങിയ സംഘം രക്ഷാപ്രവർത്തനം നടപ്പാക്കി.
അവരുടെ സമയോചിത ഇടപെടലാണ് ഒരു വലിയ ദുരന്തം ഒഴിവാക്കാൻ സഹായിച്ചത്.
English Summary:
A running car caught fire near the Vizhinjam Fire Station on Wednesday morning, but a major tragedy was averted as the family inside—including children—escaped in time. Firefighters noticed smoke, rushed to the vehicle, evacuated the passengers, and contained the flames. The blaze is suspected to have started from the car’s AC unit due to a short circuit that occurred. A rescue team led by Station Officer Pramod brought the fire under control saved all the family members.
