കനേഡിയൻ പൗരത്വം; പുതിയ ബിൽ സി–3 അവതരിപ്പിച്ചെന്ന് ഇമിഗ്രേഷൻ മന്ത്രി
ഓട്ടവ∙ വംശാവലിയെ അടിസ്ഥാനമാക്കിയുള്ള കാനഡയുടെ പൗരത്വ നിയമത്തിൽ മാറ്റങ്ങളുമായി ഫെഡറൽ സർക്കാർ മുന്നോട്ടുവരുന്നു.
ദീർഘകാലമായി നിലനിന്നുവരുന്ന പൗരത്വപ്രശ്നങ്ങൾ പരിഹരിക്കുന്നതിനായാണ് പുതിയ ബിൽ സി–3 അവതരിപ്പിച്ചതെന്ന് ഇമിഗ്രേഷൻ മന്ത്രി ലെന മെറ്റ്ലെജ് ഡയബ് അറിയിച്ചു.
വിദേശത്ത് ജനിച്ചവരോ ദത്തെടുക്കപ്പെട്ടവരോ ആയ കുട്ടികളുള്ള കുടുംബങ്ങൾക്കും, മുൻനിയമങ്ങളാൽ പൗരത്വം ലഭിക്കാതെ പോയവർക്കും പുതിയ ബില്ലിലൂടെ പൗരത്വം ലഭിക്കും.
2009-ൽ കൊണ്ടുവന്ന നിയമപ്രകാരം, വിദേശത്ത് ജനിക്കുന്നതോ ദത്തെടുക്കപ്പെടുന്നതോ ആയ കുട്ടികൾക്ക് പൗരത്വം ലഭിക്കണമെങ്കിൽ, മാതാപിതാക്കളിൽ ഒരാൾ കാനഡയിൽ ജനിച്ചവനായിരിക്കണം.
അതായത്, കാനഡയിൽ ജനിച്ചിട്ടില്ലാത്ത കനേഡിയൻ പൗരന്മാർക്ക് വിദേശത്ത് ജനിക്കുന്ന കുട്ടികൾക്ക് സ്വമേധയാ പൗരത്വം നൽകാൻ കഴിയില്ലായിരുന്നു.
ഈ വ്യവസ്ഥ 2023 ഡിസംബറിൽ ഒന്റാറിയോ സുപ്പീരിയർ കോടതി ഭരണഘടനാ വിരുദ്ധമെന്ന് വിധിച്ചു.
തുടർന്ന് ഫെഡറൽ സർക്കാർ ഈ തീരുമാനം അംഗീകരിക്കുകയും അപ്പീൽ നൽകാതിരിക്കാൻ തീരുമാനിക്കുകയും ചെയ്തു.
പുതിയ ബിൽ സി-3 പ്രകാരം, കുട്ടിയുടെ ജനനത്തിനോ ദത്തെടുക്കലിനോ മുൻപ് ഒരു കനേഡിയൻ രക്ഷിതാവ് കുറഞ്ഞത് 1,095 ദിവസം (ഏകദേശം മൂന്ന് വർഷം) കാനഡയിൽ താമസിച്ചിട്ടുണ്ടെങ്കിൽ, വിദേശത്ത് ജനിക്കുന്ന കുട്ടിക്കും പൗരത്വം ലഭിക്കും.
യുഎസ്, യുകെ, ഓസ്ട്രേലിയ തുടങ്ങിയ രാജ്യങ്ങളുടെ പൗരത്വ മാതൃകയോട് സാമ്യമുള്ളതാണ് പുതിയ വ്യവസ്ഥ.
English Summary
Canada is reforming its citizenship laws based on lineage through the new Bill C-3. The bill aims to resolve long-standing issues faced by families with children born or adopted abroad, as well as individuals excluded under previous rules.
The 2009 law allowed citizenship for children born or adopted outside Canada only if at least one parent was born in Canada. In December 2023, the Ontario Superior Court ruled this provision unconstitutional. The federal government accepted the decision and chose not to appeal.
Under Bill C-3, children born abroad will qualify for Canadian citizenship if their Canadian parent has lived in Canada for at least 1,095 days before the child’s birth or adoption. The new model aligns with citizenship practices in countries like the US, UK, and Australia.
canada-citizenship-reform-bill-c3-lineage-law-change
Canada, Citizenship, Immigration, Bill C-3, Lineage Law, Canadian Government, Diaspora, Legal Reform
