മന്ത്രി വി ശിവൻകുട്ടിക്ക് ദേഹാസ്വാസ്ഥ്യം
തിരുവനന്തപുരം: ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് വിദ്യാഭ്യാസമന്ത്രി വി ശിവൻ കുട്ടി ആശുപത്രിയിൽ. നിയമസഭയ്ക്കുള്ളിൽ വെച്ചാണ് ദേഹാസ്വാസ്ഥ്യം അനുഭവപ്പെട്ടത്.
മന്ത്രിക്ക് രക്തസമ്മർദ്ദത്തിൽ വ്യതിയാനമുണ്ടാവുകയായിരുന്നു. ചോദ്യോത്തര വേളയിൽ സംസാരിക്കുന്നതിനിടെയാണ് ദേഹാസ്വാസ്ഥ്യം അനുഭവപ്പെട്ടത്.
പരിശോധനയ്ക്കായി മന്ത്രിയെ ആശുപത്രിയിലേക്ക് മാറ്റി. മറ്റ് പ്രശ്നങ്ങളൊന്നുമില്ലെന്ന് മന്ത്രിയുടെ ഓഫീസ് അറിയിച്ചു.
സർക്കാരിനെ പ്രതിക്കൂട്ടിൽ നിർത്താനൊരുങ്ങി കോൺഗ്രസ്
തിരുവനന്തപുരം: ശബരിമലയിലെ ദ്വാരപാലക ശില്പങ്ങളുടെ സ്വർണപ്പാളികളും താങ്ങുപീഠങ്ങളും 2019ൽ നവീകരിച്ചു തിരിച്ചെത്തിച്ചപ്പോൾ സ്വർണവും ചെമ്പുമടക്കം നാലു കിലോയുടെ കുറവുണ്ടായെന്നുള്ള ആക്ഷേപം, ആഗോള അയ്യപ്പ സംഗമം തുടങ്ങിയ വിഷയങ്ങൾ ഇന്ന് നിയമസഭയിൽ ഉന്നയിക്കാനൊരുങ്ങി കോൺഗ്രസ്.
സ്വർണ്ണപ്പാളിയുടെ തൂക്കം കുറഞ്ഞതിലെ ഹൈക്കോടതി വിമർശനത്തിന്റെ പശ്ചാത്തലത്തിൽ സർക്കാരിനെ പ്രതിക്കൂട്ടിൽ നിർത്താനൊരുങ്ങുകയാണ് കോൺഗസ്.
പോലീസ് അതിക്രമങ്ങൾക്കെതിരെ ഇന്നലെ കോൺഗ്രസ് നടത്തിയ കെ എസ് യു മാർച്ചിന് പിന്നാലെ നടന്ന സംഘർഷവും പ്രവർത്തകരെ അറസ്റ്റ് ചെയ്‌തതുൾപ്പെടെയുള്ള സംഭവ വികാസങ്ങളും പ്രതിപക്ഷം സഭയിൽ ഉന്നയിക്കും.
സ്ത്രീ – പുരുഷ തൊഴിലാളികളുടെ വേതന അന്തരം കുറയ്ക്കാൻ സർക്കാർ സ്വീകരിച്ച നടപടികളും ദേശീയപാത നിർമാണത്തിലെ അപാകതകളും ചോദ്യോത്തരവേളയിൽ ഉണ്ടാകും.
വെള്ളിയാഴ്ച ആയതിനാൽ സ്വകാര്യ ബില്ലുകളാണ് ഇന്ന് സഭ പരിഗണിക്കുക.
ഇതോടൊപ്പം, പമ്പയിൽ സെപ്റ്റംബർ 20-ന് നടക്കുന്ന ആഗോള അയ്യപ്പ സംഗമം, പോലീസ് അതിക്രമങ്ങൾക്കെതിരെ കെ.എസ്.യു നടത്തിയ മാർച്ചിനുശേഷമുള്ള സംഘർഷം, കോൺഗ്രസ് പ്രവർത്തകരുടെ അറസ്റ്റ് തുടങ്ങിയ വിഷയങ്ങളും സഭയിൽ ചർച്ചയാവും.
ചോദ്യോത്തര വേളയിൽ ചൂടേറും
ഇന്നത്തെ ചോദ്യോത്തര വേളയിൽ സ്ത്രീ–പുരുഷ തൊഴിലാളികളുടെ വേതന വ്യത്യാസം കുറയ്ക്കാനുള്ള സർക്കാർ നടപടികൾ, ദേശീയപാത നിർമാണത്തിലെ അപാകതകൾ തുടങ്ങിയ വിഷയങ്ങളും ഉയർന്നേക്കും. വെള്ളിയാഴ്ചയായതിനാൽ സ്വകാര്യ ബില്ലുകൾ സഭയിൽ പരിഗണിക്കും.
വിലക്കയറ്റം: കോൺഗ്രസിന്റെ ശക്തമായ വിമർശനം
ഇന്നലെ നടന്ന സഭാസമ്മേളനത്തിൽ സംസ്ഥാനത്തെ വിലക്കയറ്റം ചർച്ചാവിഷയമായി. പിസി വിഷ്ണുനാഥ് എംഎൽഎ സർക്കാരിനെ കടുത്ത ഭാഷയിൽ വിമർശിച്ചു.
അവശ്യസാധനങ്ങളുടെ വില നിയന്ത്രണം വിട്ട് കുതിച്ചുയരുന്നതോടെ സാധാരണ ജനങ്ങൾ ഗുരുതര പ്രതിസന്ധിയിലാണെന്ന് അദ്ദേഹം ചൂണ്ടിക്കാട്ടി.
കേരളത്തിലെ ഉപഭോക്തൃ വില സൂചിക (CPI) പ്രകാരമുള്ള വിലക്കയറ്റ തോത് ഓഗസ്റ്റിൽ 9% ആയപ്പോൾ, രണ്ടാം സ്ഥാനത്തുള്ള കര്‍ണാടകയില്‍ അത് വെറും 3.8% മാത്രമായിരുന്നുവെന്ന് കണക്കുകൾ വ്യക്തമാക്കി.
കഴിഞ്ഞ എട്ട് മാസങ്ങളിലായി കേരളം തന്നെ ഏറ്റവും ഉയർന്ന വിലക്കയറ്റം അനുഭവിച്ച സംസ്ഥാനമാണ് എന്നും അദ്ദേഹം ആരോപിച്ചു.
“പപ്പടവും വെളിച്ചെണ്ണയും തമ്മിൽ സമാഗമമില്ല”
വിലക്കയറ്റത്തിന്റെ ഗൗരവം വ്യക്തമാക്കാൻ വിഷ്ണുനാഥ് ചില ഉദാഹരണങ്ങളും ചൂണ്ടിക്കാട്ടി:
“10 രൂപയുടെ പപ്പടം 400 രൂപയുടെ വെളിച്ചെണ്ണയിൽ കാച്ചുന്ന മലയാളിയോടാണ് ട്രംപിന്റെ കളി” എന്ന പഴയ ട്രോൾ അദ്ദേഹം ഓർമ്മിപ്പിച്ചു.
എന്നാൽ ഇപ്പോൾ പപ്പടത്തിനും വെളിച്ചെണ്ണയ്ക്കും തമ്മിൽ സമാഗമം നടക്കാൻ പോലും കഴിയുന്നില്ലെന്നും, “ചുട്ടു തിന്നേണ്ടി വരും” എന്ന നിലയിലാണ് ജനങ്ങൾ എന്നും പറഞ്ഞു.
Summary: Kerala Education Minister V. Sivankutty was hospitalized after experiencing uneasiness inside the Legislative Assembly.
