പാലക്കാട്: ജമ്മു കശ്മീരിൽ മലയാളി യുവാവിനെ മരിച്ച നിലയിൽ കണ്ടെത്തി. പാലക്കാട് കാഞ്ഞിരപ്പുഴ വർമംകോട് അബ്ദുൽ സമദ് -ഹസീന ദമ്പതികളുടെ മകൻ മുഹമ്മദ് ഷാനിബാണ് മരിച്ചത്.
ഗുൽമാർഗിലാണ് യുവാവിന്റെ മൃതദേഹം കണ്ടെത്തിയത്. വനമേഖലയിൽ ആണ് യുവാവിന്റെ മൃതദേഹം കണ്ടെത്തിയത്. കഴിഞ്ഞ മാസം 13നാണ് മുഹമ്മദ് ഷാനിബ് പാലക്കാട്ടെ വീട്ടിൽ നിന്ന് പോയത്.
ഷാനിബിന്റെ മൃതദേഹം കണ്ടെത്തിയ വിവരം ഗുൽമാർഗ് പൊലീസ് കുടുംബത്തെ അറിയിച്ചു. മൃഗങ്ങള് ആക്രമിച്ചതിന്റെ പരിക്കുകള് ശരീരഭാഗങ്ങളിലുണ്ടെന്ന് ഗുൽമാർഗ് പൊലീസ് അറിയിച്ചതായി നാട്ടുകൽ പൊലീസ് പറഞ്ഞു.
തൃശൂര് പൂരത്തിനിടെ ഊട്ടോളി രാമന് വിരണ്ടോടി; നിരവധി പേർക്ക് പരിക്ക്
തൃശൂര്: തൃശൂര് പൂരത്തിനിടെ ആന വിരണ്ടോടി. പൂരം എഴുന്നള്ളിപ്പിനെത്തിച്ച ഊട്ടോളി രാമന് എന്ന ആനയാണ് വിരണ്ടത്. പുലര്ച്ചെ രണ്ടേകാലോടെയായിരുന്നു സംഭവം.
സംഭവത്തിൽ നാല്പതില് അധികം പേര്ക്ക് പരിക്കേറ്റു. ആന വിരണ്ടതിന് പിന്നാലെ ഉണ്ടായ തിക്കിലും തിരക്കിലും പെട്ടാണ് ആളുകൾക്ക് പരിക്കേറ്റത്. ചിലര് ആശുപത്രിയില് ചികിത്സ തേടിയിട്ടുണ്ട്.
