തെന്നിന്ത്യൻ താരസുന്ദരി സാമന്ത റുത്ത് പ്രഭുവിനായി അമ്പലം നിർമിച്ച് ആരാധകൻ. ആന്ധ്രപ്രദേശിലെ അലപ്പാടു സ്വദേശി സന്ദീപ് എന്നയാളാണ് നടിക്കായി ക്ഷേത്രം നിർമ്മിച്ചത്.
സാമന്തയുടെ കടുത്ത ആരാധകനാണ് ഇയാൾ. സാമന്തയുടെ 38-ാം ജന്മദിനത്തിൽ ക്ഷേത്രം ജനങ്ങൾക്കായി തുറന്നു നൽകിയിരിക്കുകയാണ്.
സാമന്തയുടെ രണ്ട് പ്രതിമകളാണ് ക്ഷേത്രത്തിൽ സ്ഥാപിച്ചിട്ടുള്ളത്. സാമന്തക്കായി വലിയൊരു ക്ഷേത്രം നിർമിക്കാനായിരുന്നു ആഗ്രഹമെങ്കിലും സാമ്പത്തിക സ്ഥിതി അതിനനുവദിച്ചില്ലെന്നും സന്ദീപ് പറഞ്ഞു.
ഗ്രാമത്തിലെ കുട്ടികൾക്കൊപ്പം കേക്ക് മുറിച്ചാണ് നടിയുടെ ജന്മദിനം ഇയാൾ ആഘോഷിച്ചത്. അവർ സദ്യ നൽകുകയും ചെയ്തു.
അവരുടെ സിനിമകളിലെ പ്രകടനം തന്നെ ഏറെ ആകർഷിച്ചുവെന്നും ഇതാണ് ആരാധകനാക്കി മാറ്റിയതെന്നും സന്ദീപ് വെളിപ്പെടുത്തി.
ഇതിന്റെ വീഡിയോയും ചിത്രങ്ങളും പുറത്തുവന്നിട്ടുണ്ട്. ഇവ പെട്ടെന്ന് വൈറലാവുകയും ചെയ്തു.
